De conformidade co disposto polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas que no anexo se mencionan a resolución dos expedientes sancionadores por infraccións á Lei 7/1992, do 24 de xullo, de pesca fluvial (DOG nº 151, do 5 de agosto) e ó seu regulamento, aprobado polo Decreto 130/1997, do 14 de maio (DOG nº 106, do 4 de xuño).
O importe da sanción farase efectivo en calquera entidade bancaria, na conta de recadación de multas e sancións da Xunta de Galicia nº 2091-0388-90-3110001181, da Caixa de Aforros de Galicia, no prazo de quince días hábiles contados a partir do día seguinte ó da firmeza da presente resolución. Para efectualo deberán emprega-los impresos normalizados que lles serán facilitados nesta delegación provincial, sita na rúa Paseo, nº 18-5º andar, en Ourense. Transcorrido o citado prazo, procederase ó cobro pola vía administrativa de constrinximento.
Non obstante o anterior, e de conformidade con previsto no artigo 114.1º e concordantes da Lei 4/1999, de modificación da Lei 30/1992, de réxime xurídico das administracións públicas e do procedemento administrativo común, contra esta resolución, que non esgota a vía administrativa, cabe formular recurso de alzada perante o conselleiro de Medio Ambiente, no prazo dun mes, contado igualmente, a partir do seguinte ó de publicación desta notificación.
Transcorrido o prazo de interposición do recurso, sen que este se presente, esta resolución será firme para tódolos efectos regulamentarios.
Ourense, 16 de xullo de 2001.
Agustín Prado Verdeal
Delegado provincial de Ourense
ANEXO
Expediente: OU 027/01-P.
Denunciado: J.C.A. Hormigones, S.A.
CIF: A36851962.
Último enderezo coñecido: r/ García Barbón, nº 62, Vigo (Pontevedra).
Feito probado: proceder á limpeza da cuba dun camión marca Mercedes Benz, modelo 2225 B, matrícula M-1423-KS, vertendo directamente a unha pequena lagoa xunto ó río Miño restos de formigón transportado nela.
Precepto infrinxido: artigo 77 do Regulamento de ordenación da pesca fluvial.
Precepto sancionador: artigo 34.1º da Lei de pesca fluvial de Galicia.
Cualificación: menos grave.
Sanción: multa de 150.000 pesetas.
