Esta Consellería de Cultura, Comunicación Social e Turismo, unha vez cumpridos os trámites administrativos correspondentes, resolveu anuncia-la licitación, mediante procedemento aberto por concurso, dos seguintes contratos de obras:
1. Restauración do cubo XLV da Muralla Romana de Lugo.
Orzamento de licitación: vinteoito millóns cincocentas vintedúas mil trescentas vintenove pesetas (28.522.329 pesetas=171.422,65 euros), IVE incluído.
Prazo de execución: dous (2) meses.
Garantía provisional: dispensada.
Clasificación do contratista: grupo K, subgrupo 7, categoría e.
2. Reparación das cubertas da Concatedral de San Xiao. 1ª fase. Ferrol (A Coruña).
Orzamento de licitación: corenta millóns de pesetas (40.000.000 de pesetas=240.404,85 euros), IVE incluído.
Prazo de execución: seis (6) meses.
Garantía provisional: dispensada.
Clasificación do contratista: grupo K, subgrupo 7, categoría d.
3. Edificio para Museo Arqueolóxico de Lugo. Fase II.
Orzamento de licitación: trinta e nove millóns seiscentas noventa e sete mil seiscentas oitenta e dúas pesetas (39.697.682 pesetas=238.587,88 euros), IVE incluído.
Prazo de execución: nove (9) meses.
Garantía provisional: dispensada.
Clasificación do contratista: grupo K, subgrupo 7, categoría c.
Exposición da documentación: o prego de cláusulas administrativas particulares e os proxectos de obras estarán de manifesto no Servicio de Obras e Contratación da Consellería de Cultura, Comunicación Social e Turismo e nas delegacións provinciais durante o prazo de presentación de proposicións, de 10 a 14 horas, e no teléfono 981 58 89 38. Así mesmo, tamén se poderán obte-los pregos relativos a estas contratacións no seguinte enderezo da Internet:
http://www.xunta.es/contratacion/resultado.asp?N=
647...cubo XLV da Muralla Romana de Lugo
http://www.xunta.es/contratacion/resultado.asp?N=
648...San Xiao de Ferrol
http://www.xunta.es/contratacion/resultado.asp?N=
656...Museo Arqueolóxico de Lugo
Prazo de presentación de proposicións: será ata as 14 horas do vixésimo sexto día natural, contado a partir do día seguinte ó da publicación da presente resolución no DOG.
Lugar de presentación de proposicións: no rexistro xeral da consellería en sobres pechados e asinados polo licitador ou persoa que o represente. Se as proposicións se cursan por correo, haberá que aterse ó previsto na cláusula 7.2 do prego de cláusulas administrativas particulares.
Documentación que presentarán os licitadores: a establecida pola cláusula 7 do prego de cláusulas administrativas particulares. As empresas que licitan a máis dunha contratación deberán presentar toda a documentación (sobres A, B, C ) para cada un dos contratos.
Apertura de proposicións: será realizada pola mesa de contratación ás 11 horas do sétimo día natural seguinte ó do remate do prazo de admisión de proposicións na sala de xuntas da Consellería de Cultura, Comunicación Social e Turismo.
Se coincidise en sábado ou festivo, terá lugar o inmediato día hábil seguinte á mesma hora.
O importe do anuncio do presente concurso correrá por conta dos adxudicatarios.
Santiago de Compostela, 27 de xullo de 2001.
P.D. (Orde 15-12-1997)
Andrés González Murga
Secretario xeral da Consellería de Cultura,
Comunicación Social e Turismo
