Aprobado inicialmente polo Pleno do Concello, na súa sesión ordinaria do 25 de xuño de 2001, o Plan Xeral de Ordenación Municipal do Concello de Vilamarín, redactado pola empresa Diagrama Ingeniería, S.L., e de conformidade co disposto no artigo 42.1º da Lei 1/1997, do 24 de marzo, do solo de Galicia, sométese a información pública polo prazo de 45 días mediante anuncio que se publicará no DOG, no BOP e no xornal La Región, computándose o dito período desde o día seguinte ó da publicación deste anuncio no DOG, co fin de que se poida examina-lo seu contido e presenta-las alegacións ou observacións que se estimen convenientes.
De conformidade co disposto no artigo 34 da citada lei, faise pública a suspensión do outorgamento de licencias de parcelación de terreos, edificación ou demolición, na totalidade do termo municipal, excepto nas áreas clasificadas como solo non urbanizable non sometido a protección (solo rústico da Lei 1/1997) onde poderían realizarse instalacións de interese xeral e só para este uso, cando no documento de aprobación inicial figura o solo clasificado como solo rústico non sometido a protección ou está cualificado como solo de equipamentos do sistema xeral ou local e nas zonas clasificadas como urbanizable ou de núcleo rural que tiveran cualificación de equipamentos e que no plan en tramitación teñan a clasificación de núcleo rural e a mesma cualificación de equipamentos.
A dita suspensión terá unha duración máxima dun ano e extinguirase coa aprobación definitiva do citado plan.
Vilamarín, 4 de xullo de 2001.
Amador Vázquez Vázquez
Alcalde