Por resolución da Alcaldía do 9-3-2001, foi aprobado o prego de cláusulas particulares que rexerán a contratación para as obras que se indican, o que se expón ó público, na secretaría do concello, polo prazo de catro días hábiles, contados desde a publicación deste anuncio no BOP, durante o cal tódolos interesados poderán presenta-las reclamacións que estimen oportunas.
Simultaneamente anúnciase licitación para adxudica-lo contrato mediante tramitación urxente, procedemento aberto e forma de concurso, segundo o seguinte detalle.
1. Entidade adxudicadora: Concello de Vilar de Santos, r/ Celanova, 77, 32650, Vilar de Santos, teléfono 988 46 58 83, fax 988 46 58 63. O expediente tramítase na secretaría, dependencia na que se pode obte-la documentación.
2. Obxecto do contrato e prazo de execución: camiño de acceso Toxediño-Bréixome de Abaixo, 4 meses.
3. Orzamento da licitación: importe total de execución por contrata 6.000.000 de pesetas.
4. Fianzas: provisional, non se esixe. Definitiva: 4% do orzamento.
5. Clasificación do contratista: non se esixe.
6. Presentación de proposicións. Prazo: ata as 14 horas do 13º día natural seguinte a aquel no que apareza inserido o anuncio no DOG e no BOP, de luns a venres, computándose o prazo a partir da última publicación.
Documentación para presentar: a que se sinala no punto IX, do prego de cláusulas administrativas. Lugar de presentación: no rexistro xeral do concello, r/ Celanova, 77, 32650, Vilar de Santos. Prazo de vinculación da oferta: un mes, como máximo, contado desde a apertura de proposicións. Modelo de proposición: figura no prego.
7. Apertura das ofertas: o día hábil seguinte (agás sábados) ó de finalización do prazo de presentación das proposicións.
8. Gastos dos anuncios: os gastos que xere esta contratación serán por conta do adxudicatario.
Vilar de Santos, 10 de agosto de 2001.
Antonio Míguez Noguerias
Alcalde en funcións