Segundo establece o artigo 27 da Lei 4/1988, da función pública de Galicia, o concurso constitúe o sistema normal de provisión de postos de traballo vacantes na Administración.
Esta consellería, de conformidade co establecido na citada lei, modificada pola Lei 3/1995, do 10 de abril, o Decreto 93/1991, do 20 de marzo, o artigo 18 da Lei 30/1984, do 2 de agosto, de medidas para a reforma da función pública modificado pola Lei 13/1996, do 30 de decembro, de medidas fiscais, administrativas e da orde social, e demais normas concordantes, acorda convocar este concurso de méritos para a provisión dos postos de traballo vacantes das escalas de finanzas da Xunta de Galicia dotados orzamentariamente que se relacionan no anexo I desta orde de conformidade coas seguintes
Bases
I. Requisitos de participación.
I.1. Só poderán participar neste concurso os funcionarios/as das escalas superior e técnica de finanzas da Xunta de Galicia que reúnan os requisitos esixidos para desempeña-los postos ós que se opta conforme o especificado en cada caso no anexo I desta convocatoria, salvo aqueles que leven menos de dous anos desempeñando un posto definitivo obtido por concurso.
Ós funcionarios que accederan ás escalas de finanzas da Xunta de Galicia por promoción interna e permaneceran no posto de traballo que desempeñaban, computaráselles o tempo de servicios prestados no dito posto no corpo de procedencia para os efectos do disposto no parágrafo anterior.
I.2. Non poderá participa-lo persoal docente, investigador e sanitario ó que se refire o artigo 1.2º da Lei 4/1988, do 26 de maio, da función pública de Galicia, salvo para os postos de Administración educativa, investigadora e sanitaria de conformidade co que dispoñan as RPT, nin o persoal regulado pola Lei 17/1989, do 23 de outubro, de creación de escalas de persoal sanitario ó servicio da Comunidade Autónoma.
I.3. Están obrigados a participar neste concurso os funcionarios das escalas de finanzas da Xunta de Galicia que estean en situación de destino provisional nelas e reúnan os requisitos esixibles nesta
convocatoria e anexos correspondentes, debendo solicitar tódolos postos de traballo ós que poidan acceder, todo iso de conformidade co establecido no artigo 58 da Lei 4/1988, do 26 de maio, modificado pola Lei 3/1995, do 10 de abril. No suposto de incumprimento do anterior serán declarados de oficio en situación de excedencia voluntaria.
I.4. Poderán solicitarse por orde de preferencia as vacantes que se inclúen no anexo I desta orde, sempre que se reúnan as condicións esixidas nel.
Os erros manifestos que puidesen advertirse poderán ser emendados de oficio ou por petición da parte interesada, e serán apreciados libremente por parte da comisión de valoración á que se fai referencia na base VI.
I.5. Así mesmo, os funcionarios das escalas de finanzas que o desexen poderán solicita-los postos que resulten vacantes a consecuencia da resolución deste concurso, especificando a súa preferencia de acordo cos seguintes datos:
-Localidade (só poderá solicitarse para unha única localidade).
-Nivel do posto de traballo ó que opte (especificando o nivel mínimo que se solicita).
Os postos resultantes adxudicaranse de acordo coas puntuacións obtidas de conformidade co baremo que rexe neste concurso.
I.6. Unha vez transcorrido o período de presentación de instancias, as solicitudes formuladas serán vinculantes para o peticionario e os destinos adxudicados serán irrenunciables, salvo que se obtivese outro destino mediante convocatoria pública antes de finaliza-lo prazo de toma de posesión.
I.7. De acordo co disposto na vixente RPT, é requisito indispensable para a cobertura dos postos de traballo a pertenza ás escalas de finanzas e ás súas especialidades que corresponden a cada posto de traballo segundo se sinala na columna corpo/escala do anexo I.
-Escala superior de finanzas:
A9.1. Especialidade de inspección financeira e tributaria.
A9.2. Especialidade de xestión tributaria.
A9.3. Especialidade de intervención.
-Escala técnica de finanzas:
A9.4. Especialidade técnica de inspección financeira e tributaria.
A9.5. Especialidade técnica de xestión tributaria.
A9.6. Especialidade técnica de contabilidade e intervención.
II. Valoración de méritos:
A valoración dos méritos para a adxudicación dos postos de traballo efectuarase conforme o seguinte baremo:
II.1. Grao persoal consolidado.
Polo nivel 16 de grao consolidado: 1 punto.
Por cada unidade de nivel que exceda de 16: 0,15 puntos.
Puntuación máxima deste epígrafe: 4 puntos.
Nos supostos en que os funcionarios non teñan consolidado ningún grao persoal ou este sexa inferior a 16 computarase, para os efectos de puntuación neste punto, o nivel mínimo correspondente ó intervalo de niveis do grupo do corpo ou da escala á que pertenza o funcionario.
II.2. Valoración do traballo desenvolvido.
A valoración do traballo desenvolvido efectuarase de acordo cos seguintes criterios:
Só se computarán os traballos desenvolvidos nos últimos cinco anos como funcionario de carreira nos distintos grupos.
A valoración efectuarase da seguinte forma:
a) Por cada ano ou fracción superior a 6 meses de traballo desenvolvido, sempre que o posto solicitado sexa inferior ó posto desempeñado en máis de dous niveis: 0,60 puntos.
b) Por cada ano ou fracción superior a 6 meses de traballo desenvolvido, cando o posto desempeñado e o solicitado teñan igual nivel ou o posto solicitado sexa inferior ó posto desempeñado ata dous niveis: 0,40 puntos.
c) Por cada ano ou fracción superior a 6 meses de traballo desenvolvido, sempre que o posto solicitado sexa de nivel superior ó desempeñado: 0,20 puntos.
d) Por permanecer no mesmo posto os últimos cinco anos: 0,15 puntos por cada ano ou fracción superior a seis meses.
Exclúense desta puntuación, de se-lo caso, aqueles anos que correspondan ós dous de permanencia obrigatoria tras obte-la praza de que se trate por concurso.
Para os efectos anteriores, os servicios prestados na situación de comisión de servicios puntuaranse como realizados no posto de orixe do funcionario.
Puntuación máxima deste epígrafe: 3,75 puntos.
II.3. Cursos de formación e perfeccionamento.
Por cursos organizados e impartidos directamente pola Escola Galega de Administración Pública, INAP, escolas oficiais de formación das administracións públicas, centros competentes en materia de formación dependentes dos distintos organismos das administracións públicas, universidade e Inem, así como os cursos informados favorablemente pola
EGAP ou homologados por esta ou polo INAP, todos eles relacionados coas funcións propias do posto ó que se opte.
A valoración dos cursos farase de acordo cos seguintes criterios:
Ata as primeiras 25 horas, 0,1 puntos. Por cada hora que exceda este número, 0,01 puntos por hora. Se non se acredita a duración entenderase de ata 25 horas.
Puntuación máxima deste epígrafe: 3 puntos.
Non se valorarán os diplomas relativos á asistencia a xornadas, seminarios, simposios e similares.
II.4. Grao de coñecemento do idioma galego.
Iniciación ó galego: 1 punto.
Perfeccionamento de galego: 2 puntos.
Linguaxe administrativa, nivel medio de linguaxe administrativa local galega ou de linguaxe xurídica galega, os ciclos elemental e superior dos estudios de galego das escolas oficiais de idiomas: 3 puntos.
En caso de acreditar máis dun grao de coñecemento de galego, só se computará o superior.
Só se lles concederá validez, no que se refire á acreditación do coñecemento do galego, ós cursos, estudios ou titulacións homologadas pola Dirección Xeral de Política Lingüística da Consellería de Educación e Ordenación Universitaria.
II.5. Antigüidade:
Servicios prestados nas administracións públicas:
Por cada ano ou fracción superior a 6 meses de servicios como funcionario de carreira: 0,15 puntos.
Puntuación máxima deste epígrafe: 4,5 puntos.
Para estes efectos computaranse os recoñecidos polo órgano competente que se prestasen con anterioridade á condición de funcionario.
II.6. Polo grupo ó que pertence o funcionario e desde o que participa no concurso outorgaranse os seguintes puntos:
Por pertencer ó grupo A: 5 puntos.
Por pertencer ó grupo B: 4 puntos.
II.7. Titulacións académicas.
-Graduado escolar, formación profesional de 1º grao ou equivalente: 0,20 puntos.
-Título de bacharelato superior, formación profesional de 2º grao ou equivalente: 0,40 puntos.
-Título de enxeñeiro técnico, diplomado universitario, arquitecto técnico ou equivalente: 0,60 puntos.
-Título de licenciado, arquitecto, enxeñeiro ou equivalente: 0,80 puntos.
-Título de doutor: 1 punto.
Valoraranse as titulacións académicas distintas ás requiridas para o acceso ó corpo desde o que se concurse, agás que sirvan de base para obte-la titulación superior que se invoque, valorándose neste caso só esta última.
Non se terán en conta as titulacións que serviran de base para a obtención dunha superior.
Puntuación máxima deste epígrafe: 3 puntos.
Para os efectos de equivalencia de titulación só se admitirán as establecidas polo Ministerio de Educación e Ciencia con carácter xeral e válidas para tódolos efectos (debendo citar a continuación a disposición na que se establece a equivalencia e o BOE no que se publica).
II.8. A orde de prioridade para a adxudicación das prazas determinarase pola puntuación obtida de acordo co baremo anterior.
En caso de empate nas puntuacións acudirase para dirimilo á outorgada polos méritos alegados seguindo a orde establecida nos diferentes puntos desta base.
Tódolos méritos recollidos nesta base computaranse ata a data de finalización do prazo de presentación de instancias.
De persisti-lo empate, resolverase pola orde alfabética do primeiro apelido e de ser igual, polo segundo, a partir da letra resultante no sorteo que tivo lugar o día 13 de febreiro de 2001 (Diario Oficial de Galicia nº 39, do 23 de febreiro). En último lugar solventaríase por sorteo entre os implicados.
III. Documentación.
III.1. Os datos relativos ás circunstancias persoais e administrativas dos concursantes, así como os concernentes ós méritos que aduzan acreditaranse debidamente e deberán posuírse na data de finalización do prazo de presentación de instancias.
III.2. Os méritos, requisitos e datos imprescindibles deberán ser acreditados mediante certificado, que se xuntará coa instancia que se presente, segundo o modelo que figura como anexo III, debendo xuntarlle á dita certificación o funcionario competente que certifique as fotocopias da documentación correspondente ás distintas situacións e méritos que se invoquen, que formarán parte integrante da certificación e se presentarán cotexadas fidedignamente debendo numerarse de acordo co indicado modelo, significando que non se valorarán aqueles méritos que para a/as comisión/s non estivesen suficientemente acreditados. Estas certificacións serán expedidas polas unidades seguintes, de acordo co destino de cada funcionario.
-Servicios centrais: secretario xeral, subdirector xeral ou xefes de servicio que teñan atribuídas funcións en materia de xestión de persoal, dependentes da secretaría xeral da consellería respectiva ou dos seus organismos autónomos.
-Servicios periféricos: secretarios ou, se é o caso, funcionario responsable da área de persoal das dele
gacións/direccións territoriais, provinciais ou comarcais da consellería respectiva ou dos seus organismos autónomos.
IV. Solicitudes.
IV.1. As solicitudes para tomar parte neste concurso dirixiranse ó director xeral da Función Pública da Consellería da Presidencia e Administración Pública e axustaranse ó modelo que se publica como anexo II desta orde, debendo presentarse desde o día seguinte ó da publicación desta convocatoria e dos seus anexos no Diario Oficial de Galicia ata o día 11 de setembro de 2001, inclusive, nos rexistros xerais da Consellería da Presidencia e Administración Pública, nas súas delegacións provinciais e oficinas comarcais da Xunta de Galicia, así como nos lugares previstos no artigo 38 da Lei de réxime xurídico das administracións públicas e do procedemento administrativo común.
IV.2. Os funcionarios con algunha discapacidade poderán instar, no caso de que lles fora adxudicado algún dos postos solicitados, a adaptación de medios materiais para o desempeño do dito posto, e a comisión de valoración poderá reclamarlle ó interesado, mediante entrevista, a información que considere precisa para a adaptación aducida, e igualmente, se é o caso, de consideralo oportuno, o dictame correspondente.
IV.3. Se por razóns de convivencia familiar, estiveran interesados nas vacantes que se anuncian para este concurso para unha mesma localidade dous funcionarios, se reúnen os requisitos esixidos, aínda que pertenzan a distintos corpos ou escalas, poderán condiciona-la súa petición ó feito de que ámbolos dous obteñan destino na mesma localidade, entendéndose en caso contrario anulada a petición efectuada por ámbolos dous. Os funcionarios que se acollan a esta petición condicional deberán concretalo na súa instancia e xuntar unha fotocopia da petición do outro funcionario.
IV.4. Unha vez transcorrido o período de presentación de instancias non poderá renunciarse ás solicitudes formuladas e estas serán vinculantes para o peticionario e os destinos adxudicados serán irrenunciables, tanto no que se refire á base I.4. como á I.5., salvo que se obteña outro destino mediante convocatoria pública antes de remata-lo prazo de toma de posesión.
V. Lista de admitidos e excluídos.
V.1. Expirado o prazo de presentación de instancias, o director xeral da Función Pública dictará resolución que se publicará no Diario Oficial de Galicia na que se declarará aprobada a lista de admitidos e excluídos con indicación do lugar no que se atopan expostas.
V.2. Os excluídos disporán dun prazo de dez días, contados a partir do seguinte ó da publicación da resolución, para poder emendar, de se-lo caso, o defecto que motivase a exclusión. Para tal efecto a estimación ou desestimación das ditas peticións
de emendas entenderanse implícitas na resolución pola que se publique a listaxe definitiva.
Unha vez transcorrido o dito prazo, a Dirección Xeral da Función Pública dictará resolución definitiva, contra a que se poderá interpoñer recurso potestativo de reposición perante esta consellería, no prazo dun mes contado desde o día seguinte ó da súa publicación no Diario Oficial de Galicia, de conformidade co establecido na Lei 30/1992, do 26 de novembro, de réxime xurídico das administracións públicas e do procedemento administrativo común, ou poderase interpoñer directamente recurso contencioso-administrativo perante o Xulgado do Contencioso-Administrativo de Santiago de Compostela, no prazo de dous meses contados desde a mesma data, de conformidade co establecido na Lei 29/1998, do 13 de xullo, reguladora da xurisdicción contencioso-administrativa.
VI. Comisión de valoración.
VI.1. A valoración dos méritos alegados polos concursantes para a adxudicación dos postos de traballo vacantes será efectuada polas comisións de valoración que prevé o artigo 12 do Regulamento de provisión de postos de traballo, promoción profesional e promoción interna coa composición establecida nel. Estas comisións terán a categoría primeira das previstas no Decreto 144/2001, do 7 de xuño, e serán nomeadas polo órgano convocante. Os acordos da comisión adoptaranse por maioría dos seus membros.
VI.2. Poderá nomearse máis dunha comisión de valoración cando iso fose necesario polo número de solicitantes.
Neste suposto corresponderalle á comisión de valoración número un resolver cantas consultas, interpretacións, criterios de valoración e de unificación poidan presentarse nas comisións sobre as normas que rexen o concurso, así como a coordinación das restantes comisións e recibi-los expedientes destas relativos ás correspondentes valoracións do concurso, e eleva-la proposta para a adxudicación da totalidade das prazas.
VI.3. A/as comisión/s poderán dispoñe-la incorporación ós seus traballos de asesores, para aquelas tarefas que o requirisen. A proposta de designación destes faraa a comisión número un, procedendo o órgano convocante ó seu nomeamento.
VI.4. A proposta de adxudicación dos postos de traballo ofertados recaerá en todo caso sobre o concursante que obtivera maior puntuación conforme o baremo establecido na base II, así como, se é o caso, conforme os criterios de desempate fixados na base II.7.
VI.5. Unha vez efectuada a proposta provisional da comisión de valoración para a adxudicación dos destinos farase pública no Diario Oficial de Galicia mediante unha resolución da Dirección Xeral da Función Pública da Consellería da Presidencia e Administración Pública. Os concursantes poderán
formula-las oportunas reclamacións, se é o caso, contra a dita proposta ante esta dirección xeral no prazo de dez días hábiles a partir do seguinte ó da publicación, que se presentarán no rexistro xeral da Consellería da Presidencia e Administración Pública, nas delegacións provinciais e oficinas comarcais da dita consellería, ou nos lugares previstos no artigo 38 da Lei de réxime xurídico das administracións públicas e do procedemento administrativo común.
VI.6. Examinadas e resoltas polas comisión/s as reclamacións, se é o caso presentadas, procederase a elevar proposta definitiva de resolución do concurso, que será resolta por unha orde da Consellería da Presidencia e Administración Pública, que se publicará no Diario Oficial de Galicia e na que figurarán os destinos adxudicados a cada un dos participantes.
Para tal efecto a estimación ou desestimación das reclamacións entenderanse implícitas na citada orde.
VII. Adxudicación de destinos.
VII.1. Os destinos adxudicados serán irrenunciables, salvo que con anterioridade á finalización do prazo posesorio se obteña outro destino mediante convocatoria pública, ben polo procedemento de libre designación ou por concurso, en que poderán optar por un dos dous, estando obrigados a lle comunicar por escrito nos 3 días seguintes a opción realizada á Dirección Xeral da Función Pública.
VII.2. Os traslados que se deriven da resolución deste concurso terán a consideración de voluntarios; en consecuencia non xerarán dereito á indemnización.
VIII. Toma de posesión.
VIII.1. A toma de posesión en tódolos postos adxudicados como consecuencia da celebración deste concurso efectuarase a partir da data que se faga constar na orde de resolución deste, desde a que se iniciará o cómputo dos prazos posesorios establecidos no artigo 14 do Regulamento de provisión de postos de traballo, promoción profesional e promoción interna.
IX. Recursos.
Contra esta orde, que pon fin á vía administrativa, poderase interpoñer recurso potestativo de reposición perante esta consellería, no prazo dun mes contado desde o día seguinte ó da súa publicación no Diario Oficial de Galicia, de conformidade co establecido na Lei 30/1992, do 26 de novembro, de réxime xurídico das administracións públicas e do procedemento administrativo común, ou poderase interpoñer directamente recurso contencioso-administrativo perante o Xulgado do Contencioso-Administrativo de Santiago de Compostela, no prazo de dous meses contados desde a mesma data, de conformidade co establecido na Lei 29/1998, do 13 de xullo, reguladora da xurisdicción contencioso-administrativa.
Santiago de Compostela, 30 de xullo de 2001.
Jaime Pita Varela
Conselleiro da Presidencia e Administración Pública
ANEXO I
Posto Código do posto Nivel C. especif. Grupos Corpo/escala Denominación posto Dependencia Concello
1 EFC030000215770007 25 1.240.728 A/B Intervención ou Téc. Contab. e Intervenc. Xefe Sección Contabilidade Intervención Xeral 15770
2 EFC030000415770009 25 1.240.728 A/B Intervención ou Téc. Contab. e Intervenc. Xefe Sección de Contabilidade Intervención Xeral 15770
3 EFC030000415770010 25 1.240.728 A/B Intervención ou Téc. Contab. e Intervenc. Xefe Sección de Orzamentación Intervención Xeral 15770
4 EFC030000415770015 25 1.240.728 A/B Intervención ou Téc. Contab. e Intervenc. Xefe Sección de Procedementos de Contratación Intervención Xeral 15770
5 EFC030000615770007 25 1.240.728 A/B Intervención ou Téc. Contab. e Intervenc. Xefe Sección Fiscalización Intervención Xeral 15770
6 EFC030000815770007 25 1.240.728 A/B Intervención ou Téc. Contab. e Intervenc. Xefe Sección Fiscalización Intervención Xeral 15770
7 EFC030000815770011 25 1.240.728 A/B Intervención ou Téc. Contab. e Intervenc. Xefe Sección Contabilidade Intervención Xeral 15770
8 EFC030000915770007 25 1.240.728 A/B Intervención ou Téc. Contab. e Intervenc. Xefe Sección Fiscalización Intervención Xeral 15770
9 EFC030000915770011 25 1.240.728 A/B Intervención ou Téc. Contab. e Intervenc. Xefe Sección Contabilidade Intervención Xeral 15770
10 EFC030001015770007 25 1.240.728 A/B Intervención ou Téc. Contab. e Intervenc. Xefe Sección Contabilidade Intervención Xeral 15770
11 EFC030001115770007 25 1.240.728 A/B Intervención ou Téc. Contab. e Intervenc. Xefe Sección Fiscalización Intervención Xeral 15770
12 EFC030001315770007 25 1.240.728 A/B Intervención ou Téc. Contab. e Intervenc. Xefe Sección Contabilidade Intervención Xeral 15770
13 EFC030001615770007 25 1.240.728 A/B Intervención ou Téc. Contab. e Intervenc. Xefe Sección Contabilidade Intervención Xeral 15770
14 EFC030001715770007 25 1.240.728 A/B Intervención ou Téc. Contab. e Intervenc. Xefe Sección Contabilidade Intervención Xeral 15770
15 EFC030001915770005 25 1.240.728 A/B Intervención ou Téc. Contab. e Intervenc. Xefe Sección Contabilidade Intervención Xeral 15770
16 EFC030002015770007 25 1.240.728 A/B Intervención ou Téc. Contab. e Intervenc. Xefe Sección Fiscalización Intervención Xeral 15770
17 EFC040000015770023 25 1.240.728 A/B Insp. Fin/Xest. Trib./T. Insp. Fin./T. Xest. T. X.Sección Seguimemt. e Control Zonas Rec. D.X. Tributos 15770
18 EFC040000015770030 25 1.240.728 A/B Insp. Fin/Xest. Trib./T. Insp. Fin./T. Xest. T. X.Sección de Estudios e Coordenación Normativa D.X. Tributos 15770
19 EFC040000215770007 25 1.240.728 A/B Insp. Fin/Xest. Trib./T. Insp. Fin./T. Xest. T. Xefe Sección Xestion Control de Taxas e Prezos D.X. Tributos 15770
20 EFC991000015001002 20 638.100 A Escala superior de finanzas Posto base grupo A Servicios periferic. 15001
21 EFC991000015001003 20 638.100 A Escala superior de finanzas Posto base grupo A Servicios periferic. 15001
22 EFC991000015001005 16 531.768 B Escala técnica de finanzas Posto base grupo B Servicios periferic. 15001
23 EFC991000015001006 16 531.768 B Escala técnica de finanzas Posto base grupo B Servicios periferic. 15001
24 EFC991000015001061 24 1.098.924 A/B Insp. Fin/Xest. Trib./T. Insp. Fin./T. Xest. T. Xefe Sección de Informac. o Contribuínte Servicios periferic. 15001
25 EFC991000015001144 24 1.098.924 A/B Intervención ou Téc. Contab. e Intervenc. Xefe Sección Fiscalización Gastos da Admon. Xeral Servicios periferic. 15001
26 EFC991000015001155 24 1.098.924 A/B Intervención ou Téc. Contab. e Intervenc. Xefe Sección de Contabilidade de Gastos de OOAA Servicios periferic. 15001
27 EFC991000027001002 20 638.100 A Escala superior de finanzas Posto base grupo A Servicios periferic. 27001
28 EFC991000027001049 24 1.098.924 B Tecn. Inspec. Financ. e Tributaria Subinspector Tributario Servicios periferic. 27001
29 EFC991000027001076 24 1.098.924 A/B Insp. Fin/Xest. Trib./T. Insp. Fin./T. Xest. T. Xefe Sección Recadación Executiva Servicios periferic. 27001
30 EFC991000032001002 20 638.100 A Escala superior de finanzas Posto base grupo A Servicios periferic. 32001
31 EFC991000032001004 16 531.768 B Escala técnica de finanzas Posto base grupo B Servicios periferic. 32001
32 EFC991000032001084 24 1.098.924 A/B Insp. Fin/Xest. Trib./T. Insp. Fin./T. Xest. T. Xefe Sección Recadación Voluntaria Servicios periferic. 32001
33 EFC991000036001002
20 638.100
A Escala superior de finanzas
Posto base grupo A Servicios periferic.
36001
34 EFC991000036001003 16 531.768 B Escala técnica de finanzas Posto base grupo B Servicios periferic. 36001
35 EFC991000036001033 24 1.098.924 A/B Insp. Fin/Xest. Trib./T. Insp. Fin./T. Xest. T. X. Secc. Relacións coas Oficinas Liquidadoras Servicios periferic. 36001
36 EFC991000036001040 24 1.098.924 A/B Insp. Fin/Xest. Trib./T. Insp. Fin./T. Xest. T. Xefe Sección Información o Contribuínte Servicios periferic. 36001
37 EFC991000036001060 26 1.417.992 A Inspecc. Financeira e Tributaria Inspector Tributario Servicios periferic. 36001
38 EFC991000036001138 24 1.098.924 A/B Intervención ou Téc. Contab. e Intervenc. Xefe Sección Fiscalización Gastos Servicios periferic. 36001
39 EFC991000036001141 24 1.098.924 A/B Intervención ou Téc. Contab. e Intervenc. Xefe Sección Contabilidade Gastos Servicios periferic. 36001
40 EFC992000036560002 20 638.100 A Escala superior de finanzas Posto base grupo A Servicios periferic. 36560
41 EFC992000036560003 16 531.768 B Escala técnica de finanzas Posto base grupo B Servicios periferic. 36560
42 EFC992000036560004 16 531.768 B Escala técnica de finanzas Posto base grupo B Servicios periferic. 36560
43 EFC992000036560046 24 1.098.924 A/B Insp. Fin/Xest. Trib./T. Insp. Fin./T. Xest. T. Xefe Sección de Información o Contribuínte Servicios periferic. 36560
44 EFC992000036560089 24 1.098.924 A/B Insp. Fin/Xest. Trib./T. Insp. Fin./T. Xest. T. Xefe Sección de Recadación Executiva Servicios periferic. 36560
45 EFC992000036560153 24 1.098.924 A/B Intervención ou Téc. Contab. e Intervenc. Xefe Sección Fiscalización Ingresos Servicios periferic. 36560
