Vista a proposta de Resolución do 8 de agosto de 2001, pola que se propón a aprobación da primeira emisión en euros de papel de fianzas das clases A, B, C, D e E polo importe de 500, 100, 25, 5
e 1 euros respectivamente, e tendo en conta que na actualidade coa inminente entrada en vigor da moeda única europea euro, é preciso proceder a unha primeira emisión de papel de fianzas na referida moeda e polos importes e clases que se indican nesta resolución.
En virtude do exposto, esta dirección xeral
ACORDA:
Primeiro.-Autoriza-la primeira emisión de papel de fianzas en euros, de acordo cos modelos e formatos que a continuación se indican.
I. Anverso do papel de fianzas.
Estará formado por un rectángulo cunha greca de extremo a extremo na súa parte inferior. Na banda dereita levará impresa, orlada por unha greca, a cantidade pola que responda o xustificante entre os símbolos do euro e a esquerda desta, figurará un rosetón que na súa parte superior levará impresa a inscrición papel de fianzas e no ángulo superior esquerdo, a partir da matriz, imprimirase o anagrama da Xunta de Galicia. A continuación, e centrada coa inscripción papel de fianzas, imprimirase Instituto Galego da Vivenda e Solo precedida do seu anagrama.
Na banda esquerda, entre a matriz e o xustificante do papel de fianzas, levará unha tira vertical coa impresión papel de fianzas.
No espacio libre e sobre o rosetón, entre a tira vertical e a greca na que figura o importe do efecto, imprimirase o seguinte:
«O Instituto Galego da Vivenda e Solo, pagaralle ó portador a cantidade de ..... euros, en concepto de devolución de fianza conforme ó Decreto do 11 de marzo de 1949.
Santiago de Compostela, 13 de agosto de 2001.
O interventor delegado. O director xeral. A xefa de servicio de Xestión Financeira e Administración.»
E no ángulo inferior esquerdo e rodeada dun círculo, a clase que corresponde segundo o punto IV.
II. Reverso do papel de fianzas.
Levará impreso no centro do xustificante o escudo de Galicia, e a ámbolos dous lados un rosetón coa cantidade pola que o xustificante responda entre os símbolos do euro. No centro da parte superior imprimirase Instituto Galego da Vivenda e Solo.
Cruzada, desde os ángulos superiores esquerdo e inferior dereito do xustificante, levará unha franxa de cor azul pálida e nos ángulos figurará a numeración, que constará tamén na matriz que queda no talonario.
III. Tamaño.
Tódolos papeis de fianza terán o mesmo tamaño, independentemente do seu valor.
Dimensións:
Longo: 230 mm ó talonario, dos que corresponden 177x95mm ó xustificante e 53x95 mm á matriz perforada.
Largo: 95 mm.
IV. Valor dos papeis de fianzas.
Confeccionaranse papeis de fianzas polos seus distintos valores, establecéndose unha clase para cada un deles, conforme o seguinte detalle:
Clase A: 500 euros.
Clase B: 100 euros.
Clase C: 25 euros.
Clase D: 5 euros.
Clase E: 1 euros.
Os papeis de fianzas agruparanse en talonarios de 100 xustificantes cada un de acordo cos valores e clases expresados, que terán que figurar na cara do talonario.
V. Tintas que deben utilizarse.
Para tódalas clases dúas tintas iguais tipo pantone nas seguintes cores e intensidades:
Anverso: negra para o texto e anagrama do Instituto. Azul 305 para o anagrama da Xunta de Galicia.
Reverso: azul para a franxa e 285 para o escudo e o texto.
Para cada unha das clases:
ClaseFondoRosetón y texto
ARosa pantone 699Vermello pantone Warm red
B 134-U138-U
C 277-U287-U
D 531-U526-U
E 344-U348-U
VI. Tipo de papel.
Será común para tódolos xustificantes emitidos independentemente da súa clase, sendo as súas características:
Gramaxe: 110 grs.
Con marca á auga.
Textura: satinado mate.
VI. Numeración dos talonarios.
Os papeis numeraranse segundo o seguinte detalle:
Talón: cruzado no reverso, na parte superior esquerda e inferior dereita.
Matriz: na parte central do reverso.
Díxitos: compoñeranse de sete, díxitos comezando coa letra correspondente á clase dos efectos, desde:
A desde 0.000.001 ata 0.030.000.
B desde 0.000.001 ata 0.040.000.
C desde 0.000.001 ata 0.040.000.
D desde 0.000.001 ata 0.030.000.
E desde 0.000.001 ata 0.000.020.
Segundo.-O papel emitido comprenderá a primeira emisión en euros de papel de fianzas do Instituto Galego da Vivenda e Solo.
Terceiro.-O papel de fianzas emitido ó amparo desta disposición terá a mesma consideración e efectos que o regulado polo Decreto do 11 de marzo de 1949.
Cuarto.-Esta resolución entrará en vigor o día seguinte ó da súa publicación no Diario Oficial de Galicia.
Santiago de Compostela, 10 de agosto de 2001
José Antonio Redondo López
Director xeral do Instituto Galego da Vivenda e Solo