Visto o texto do convenio colectivo da empresa Viguesa de Transportes, S.A. (Vitasa), con nº de código 3601452, que tivo entrada nesta delegación provincial o día 8-6-2001, subscrito en representación da parte económica pola representación da empresa, e da parte social, polo comité de empresa, o 6-6-2001. De conformidade co disposto no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial
ACORDA:
Primeiro.-Ordena-la súa inscrición no libro de rexistro de convenios colectivos de traballo, existente nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 11 de xuño de 2001.
Antonio Coello Bufill
Delegado provincial de Pontevedra
Convenio colectivo 2001-2003
Viguesa de Transportes, S.A. (Vitrasa)
O convenio colectivo da empresa Viguesa de Transportes, S.A. Vitrasa, concértase entre as representacións da dirección e o comité de empresa, co seguinte articulado:
Artigo 1º.-Ámbito de aplicación e temporal.
O presente convenio afectará a tódolos traballadores da empresa Viguesa de Transportes, S.A. Vitrasa, así como aqueles que entren ó seu servicio durante a súa vixencia.
O convenio entrará en vigor o día da súa sinatura e terá duración ata o 31 de decembro de 2003. Os incrementos salariais terán efecto desde o día 1 de xaneiro de 2001. Exceptuaranse aquelas materias nas que se fixe expresamente a súa data de efectividade.
Artigo 2º.-Prórroga.
De non mediar denuncia por calquera das partes cos requisitos expresados no artigo seguinte, o convenio entenderase prorrogado de ano en ano a partir do 1 de xaneiro de 2004 nos seus propios termos.
Artigo 3º.-Denuncia.
A denuncia do convenio poderá efectuala calquera das partes, e deberá formularse cunha antelación mínima de dous meses ó remate da súa vixencia ou da de calquera das prórrogas en forma escrita, con entrega da denuncia á outra parte e remitindo copia á autoridade laboral.
Denunciado o convenio e vencido o termo da súa vixencia, seguirá aplicándose este ata que non se logre acordo expreso, de conformidade co estipulado na Lei do Estatuto dos traballadores.
As partes comprométense a constituí-la mesa negociadora no mes de xaneiro.
Artigo 4º.-Comisión mixta.
Establécese unha comisión mixta de interpretación do convenio constituída por catro vocais designados pola dirección da empresa e outros catro vocais que nomeará o comité de empresa de entre os seus membros. A comisión terá un presidente e un secretario que designarán as partes de mutuo acordo.
A comisión poderá contar co asesoramento de ata tres asesores por parte.
A comisión mixta reunirase sempre que calquera das partes o estime oportuno nun prazo máximo de sete días.
Artigo 5º.-Vinculación á totalidade.
Para os efectos de aplicación do presente convenio, este constitúe un todo orgánico e indivisible, polo que non poderá pretenderse a aplicación dunha ou varias das súas normas desbotando o resto, senón que sempre deberá ser aplicado e observado na súa integridade e considerado globalmente.
De igual maneira, queda ben entendido que tampouco será admisible ningunha reclamación por ningún concepto que non sexa dos comprendidos especificamente no presente convenio.
Artigo 6º.-Compensación e absorción.
As melloras económicas establecidas no presente convenio serán compensables, na súa totalidade, coas que anteriormente viñesen rexendo por imperativo legal, xurisprudencial, contencioso, pacto de calquera clase, contrato individual ou por calquera outra causa.
As melloras pactadas neste convenio serán absorbidas polos aumentos de retribución que poidan establecer futuras disposicións legais, polo que aqueles soamente terán eficacia práctica se, globalmente
considerados en cómputo anual, superan o nivel total retributivo deste convenio.
Artigo 7º.-Condicións máis beneficiosas.
O persoal que con anterioridade ó presente convenio viñese desfrutando de condicións máis beneficiosas que as que aquí se establecen, deberá conservalas.
Artigo 8º.-Xornada de traballo.
A xornada de traballo será de 40 horas semanais, equivalente a 1.826 horas e 27 minutos anuais, en cómputo de 28 días.
O servicio prestarase en réxime de xornada continuada e xornada partida. A xornada continuada finalizará e comezará ás 14 horas. A xornada partida distribuirase, como máximo, en dous períodos cun descanso mínimo de dúas horas comprendido entre as 12 e as 16 horas.
Entre o final dunha xornada e o comezo da seguinte mediarán, como mínimo, doce horas, a excepción dos días en que se realice o cambio de quenda.
A empresa garántelle ó persoal unha xornada mínima de seis horas diarias. Para os días de descanso traballados fíxase unha xornada mínima de catro horas.
As quendas serán por semana completa, sempre que a prestación do servicio o permita.
O persoal de movemento desfrutará de oito descansos cada trinta días, desfrutando como mínimo de dous domingos ó mes. A distribución dos descansos efectuarase dunha forma equitativa entre todo o persoal de conducción. O comité de empresa poderá analizar co departamento de movemento a planificación do cadro de descansos.
O cadro de descansos do persoal de movemento estará exposto con tres meses de antelación e o cadro de servicios estará exposto como mínimo con tres días de antelación, sen prexuízo de sus correccións posteriores motivadas por causas imprevisibles.
O conductor-perceptor que traballe un día festivo ou un día de descanso percibirá, ademais dos correspondentes complementos por día traballado, un complemento do seguinte importe:
Servicio A: 4.884 ptas. 29,35 euros.
Servicio B: 6.105 ptas. 36,69 euros.
Servicio C: 7.326 ptas. 44,03 euros.
Servicio D: 8.547 ptas. 51,37 euros.
Servicio E: 9.768 ptas. 58,71 euros.
Servicio F: 10.989 ptas. 66,05 euros.
Servicio G: 12.210 ptas. 73,38 euros.
O conductor-perceptor ó que lle coincida o festivo no seu día de descanso semanal percibirá, sempre e cando non se lle compense tal día con outro de descanso, un complemento de 7.326 ptas. (44,03 euros).
O persoal de movemento terá a súa entrada nas mañás de domingos e festivos media hora antes do inicio do servicio asignado.
Para o persoal de taller a xornada semanal será de 40 horas, realizándose esta de forma continuada, en tres quendas, integradas polo persoal das distintas categorías necesario para a prestación racional e homoxénea do servicio.
As quendas do persoal de taller serán as seguintes:
Mañá: de 7 a 15 horas.
Tarde: de 14 a 22 horas.
Noite: de 22 a 6 horas.
O persoal de taller das quendas de mañá e tarde desfrutará de descanso os sábados e domingos, aínda que durante eses días traballará, como ata a data, o persoal necesario para a prestación de servicios de urxencia.
O persoal que realice traballo nocturno desfrutará de dous días de descanso á semana, sen prexuízo dos pactos que sobre tal extremo conveña ese persoal coa dirección da empresa, debendo coincidir dous descansos en domingo.
En administración a xornada semanal será de 40 horas, prestadas en xornada partida e cunha quenda rotativa entre todo o persoal para cubri-las mañás dos sábados, respectándose a título persoal o horario en xornada continuada que se realiza na actualidade e con descanso os sábados e domingos.
Artigo 9º.-Vacacións.
As vacacións terán unha duración de 30 días naturais. A data do seu comezo non poderá coincidir con día festivo nin outro que correspondese a un día de descanso sinalado para o traballador. O seu importe fixarase en función do salario base convenio, a antigüidade que corresponda e un complemento cunha contía que se indica nas táboas anexas. O persoal desfrutará dunha bolsa de vacacións na contía determinada na táboa anexa relativa a tal extremo.
O calendario para o desfrute das vacacións será confeccionado na forma que determina o vixente Estatuto dos traballadores, e darase a coñecer con tres meses de anticipación ó seu comezo, procurándose establece-la oportuna rotación para evitar que tal desfrute corresponda ós mesmos traballadores en iguais datas.
O persoal de administración e taller desfrutará, preferentemente, as súas vacacións durante os meses de maio, xuño, xullo, agosto e setembro.
Artigo 10º.-Licencias retribuídas.
Sobre esta materia aplicarase o disposto no vixente Estatuto dos traballadores coas seguintes excepcións:
a) Os días de licencia serán retribuídos a razón do salario base do convenio, a antigüidade que corresponda e un complemento cunha contía que coincida coa do complemento de convenio.
b) En caso de matrimonio, o traballador terá dereito ó desfrute de quince días por este concepto.
c) Para atender asuntos propios que non admitan demora, o traballador terá dereito - durante un ano - a licencia dun a seis días, podéndose esixi-la oportuna xustificación das causas alegadas.
d) En caso de falecemento do cónxuxe ou parella de feito, descendentes, ascendentes, irmáns e tíos consanguíneos, o traballador desfrutará de licencias de dous a sete días que se determinarán segundo a distancia e circunstancias que concorran no caso.
e) No suposto de falecemento de ascendentes, irmáns e tíos afíns, o traballador desfrutará de licencias de dous a catro días, e a súa duración tamén se determinará en consideración á distancia e circunstancias concorrentes.
f) En caso de parto de esposa ou parella de feito, enfermidade grave do cónxuxe ou parella de feito, ascendentes ou descendentes e consanguíneos, a licencia será de tres a sete días, tamén fixados en atención á distancia e circunstancias concorrentes.
Artigo 11º.-Retribucións.
Para o ano 2001, as retribucións do persoal afectado por este convenio serán as que constan nas táboas anexas. Para o ano 2002 incrementaranse co IPC previsto máis un 0,80% con cláusula de revisión. Para o ano 2003 incrementaranse co IPC previsto máis un 1% coa mesma cláusula de revisión.
Co obxecto de lles garantir ós traballadores o poder adquisitivo, para os anos 2002 e 2003 o incremento salarial pactado revisarase á alza a partir do momento en que o IPC real supere o incremento salarial establecido, efectuándose a correspondente regularización unha vez que sexa publicado o IPC real definitivo. Se o IPC real non superase o incremento salarial establecido, non se producirá corrección á baixa.
A empresa comprométese a que o diñeiro das nóminas de tódolos traballadores sexa ingresado nas entidades bancarias con tempo suficiente para que os traballadores poidan dispor del o primeiro día hábil de cada mes.
Artigo 12º.-Complemento convenio.
Mantense o complemento convenio, o cal se seguirá percibindo por día traballado e considerado como
complemento salarial, non computable para efectos de antigüidade, pagas extraordinarias, participación en beneficios, horas extraordinarias, nin calquera outro concepto.
Artigo 13º.-Antigüidade.
Mantense exclusivamente para o persoal contratado antes da sinatura do presente convenio os aumentos periódicos por antigüidade, que consistirán en dous bienios e cinco quinquenios. O valor de cada bienio e de cada quinquenio das distintas categorías profesionais é o que se consigna nas táboas anexas.
Artigo 14º.-Complemento de vinculación.
Para o persoal que se incorpore á empresa a partir do 1 de xullo de 2001, establécese un complemento persoal de vinculación á empresa, que percibirán os traballadores por tempo de prestación de servicios efectivos a ela. Os incrementos por vinculación consistirán nun máximo de 4 quinquenios e o valor de cada quinquenio é o que se consigna de acordo coa seguinte escala de importes anuais non acumulativos:
Ós cinco anos: 90.000 ptas. (540,91 euros).
Ós quince anos: 270.000 ptas. (1.622,73 euros).
Ós dez anos: 180.000 ptas. (1.081,82 euros).
Ós vinte anos: 360.000 ptas. (2.163,64 euros).
Estes importes serán revisados anualmente.
Os quinquenios devengaranse o primeiro día do mes en que se cumpra cada ciclo quinquenal.
En atención ás distintas circunstancias obxectivas e legais que fundamentan a promoción económica na empresa, os complementos persoais por antigüidade e vinculación serán incompatibles.
Artigo 15º.-Horas extraordinarias estructurais.
Serán consideradas horas extraordinarias estructurais as que excedan da xornada laboral establecida. Serán aboadas conforme as táboas anexas e en consideración á especial actividade da empresa, concesionaria dun servicio público, a forma de prestación do cal lle corresponde determinar á entidade competente - terán carácter de horas estructurais para os efectos do previsto no R.D. 92/1983 e a O.M. do 1-3-1983 do Ministerio de Traballo e Seguridade Social sobre cotización adicional de horas extraordinarias estructurais.
En calquera suposto, o persoal obrígase á realización das horas que marque o servicio asignado.
Artigo 16º.-Horas de presencia.
Consideraranse como tales as realizadas por razóns de espera, expectativas, servicios de garda, viaxes sen servicio, avarías, comidas en ruta e outras simi
lares nas que o traballador, aínda que non preste traballo efectivo, estea á disposición da empresa, así como calquera outra da mesma natureza que aconsellan a práctica do servicio e especificadas de común acordo entre a dirección e o comité de empresa. Aboaranse de acordo coas táboas anexas.
Artigo 17º.-Gratificacións extraordinarias.
O persoal da empresa terá dereito ás gratificacións extraordinarias de marzo, xullo e Nadal, na contía que para cada unha delas se fixa no anexo que se xunta ó presente convenio. Estas gratificacións faranse efectivas os días 15 dos meses de marzo, xullo e decembro ó que corresponda o devengo.
Artigo 18º.-Complemento de transporte.
Corresponderalle a cada productor da empresa un complemento de transporte que se percibirá por día efectivo de traballo e cun importe para o ano 2001 fixado en 652 ptas. (3,92 euros).
Artigo 19º.-Quebranto e desgaste de ferramenta.
O persoal de movemento e administración percibirá, por quebranto de moeda, as cantidades que por cada categoría profesional e por día de traballo se expresan nas táboas anexas.
O persoal de taller percibirá, por desgaste de ferramentas, as cantidades que por ese concepto e día de traballo se sinalan no anexo correspondente ás táboas salariais.
Artigo 20º.-Complemento de toxicidade.
O persoal que efectúe traballos que requiran emprego de substancias tóxicas, percibirá por este concepto un complemento do 15% sobre o salario base que o convenio lle asigne á súa categoría.
Artigo 21º.-Uniforme e roupa de traballo.
As roupa de uniformidade ou de traballo da que será dotado o persoal da empresa será a que para cada grupo profesional se indica a continuación:
Inspectores: anualmente serán dotados dun uniforme composto por unha chaqueta e dous pantalóns, dúas camisas de manga longa e unha de manga curta e un xersei ou peza de roupa similar. Cada catro anos será dotado dunha peza de roupa de inverno (gabardina ou similar).
Conductores: no mes de maio de 2001 e 2003 dotarase o persoal dun uniforme de verán composto por: dous pantalóns, dúas camisas de manga curta e unha chaleco. No mes de outubro dos mesmos anos serán dotados de dúas camisas de manga longa e un xersei. No mes de outubro de 2001 serán dotados dun anorak. Para o ano 2002 no mes de maio daranse dúas camisas de manga curta e un chaleco. No mes de outubro de 2002 dotarase co uniforme de inverno: dous pantalóns, dúas camisas de manga longa, un xersei e unha cazadora.
Taller: será dotado tódolos anos de dúas fundas, un pantalón, unha camiseta de verán, unha cazadora e dous pares de botas. No ano 2003 dotarase dunha peza de roupa de abrigo.
Artigo 22º.-Retirada do carné de conducir.
No caso que se produza a retirada temporal do carné de conducir a un traballador da empresa que o necesite para o desempeño da actividade que teña asignada - sempre que tal retirada non sexa por causa de embriaguez ou inxestión de droga -, o traballador será destinado a outro posto de traballo, percibindo a retribución da súa categoría coa excepción do quebranto de moeda, ata que lle sexa reintegrado o citado carné.
Artigo 23º.-Seguro colectivo.
Dentro da vixencia deste convenio establécese un seguro colectivo, que inclúe a tódolos traballadores da empresa.
As contías que este seguro colectivo recolle son:
Por morte natural: 3.000.000 de ptas. (18.030,36 euros).
Por invalidez profesional: 3.000.000 de ptas. (18.030,36 euros).
Por morte en accidente: 6.000.000 de ptas. (36.060,73 euros).
Por morte en accidente circulación: 9.000.000 de ptas. (54.091,09 euros).
A prima resultante do citado seguro será pagada, nas súas tres cuartas partes pola empresa, e os traballadores satisfarán a cuarta parte restante por mes e traballador, sendo estas cantidades revisadas anualmente.
A cota correspondente a cada traballador descontaráselle mensualmente da súa nómina.
Artigo 24º.-Enfermidade e accidentes.
En caso de enfermidade común ou accidente laboral con hospitalización do traballador, a empresa sempre que non se supere o 5,25% de absentismo - complementaralle ó traballador a diferencia ata o 100% da base reguladora respectiva, ata un máximo de seis meses e durante o período de convalecencia posterior a tal hospitalización ata un máximo de trinta días, logo de informe do médico de empresa.
Artigo 25º.-Promoción interna e formación.
A empresa comprométese a cubrir, na medida do posible, as vacantes que se produzan no seu seo mediante a promoción interna, para o cal se realizarán as convocatorias oportunas, nas que se terá en conta, entre outros factores, a asistencia e aproveitamento dos cursos de formación que se imparten cada ano.
A empresa impartirá cursos de formación de asistencia obrigatoria para todo o persoal da empresa.
Ano 2001: 20 horas a cargo do persoal.
Ano 2002: 20 horas a cargo do persoal.
Ano 2003: 10 horas a cargo do persoal e 10 horas a cargo da empresa.
Artigo 26º.-Período de proba.
Establécese para os contratos de traballo un período de proba de seis meses para os técnicos titulados e de tres meses para os demais traballadores.
Artigo 27º.-Excedencias.
-Excedencia voluntaria:
Poderá solicitala todo traballador que conte cun ano de antigüidade na empresa.
O prazo mínimo para as excedencias será de dous anos e o máximo de cinco anos. Se o excedente, un mes antes de finaliza-lo prazo para o que se lle concedeu a excedencia, non solicitase o seu reingreso na empresa, causará baixa definitiva nesta.
O traballador excedente conserva un dereito preferente ó reingreso nas vacantes de igual ou similar categoría á súa que houbese ou se producisen na empresa.
O tempo transcorrido nesta situación non se computará para ningún efecto.
-Excedencia forzosa:
Dará lugar á situación de excedencia forzosa e concederase nos seguintes casos:
1º Nomeamento por designación ou elección para cargo público ou sindical de ámbito provincial ou superior que imposibilite a asistencia ó traballo mentres dure o exercicio do seu cargo representativo. Dará dereito á conservación do posto e ó cómputo da antigüidade durante a súa vixencia. O reingreso deberá ser solicitado dentro do mes seguinte ó cesamento no cargo público ou sindical.
2º Para atende-lo coidado de cada fillo, terá dereito a un período de excedencia, non superior a tres anos, tanto cando o sexa por natureza como por adopción, contado desde a data de nacemento deste.
Artigo 28º.-Comité de empresa.
O comité de empresa terá tódalas atribucións que lle confire a lexislación vixente na materia, e para o seu desempeño está facultado para reunirse tres veces ó mes, nas datas que libremente acorden, procurando que con tal motivo se produza a menor perturbación do servicio e logo de aviso de corenta e oito horas, polo menos, de antelación.
Para os efectos previstos no artigo 71.1º do Estatuto dos traballadores, establécese un colexio electoral
integrado polo persoal de taller, o cal formará o censo de electores e elixibles correspondentes a este terceiro colexio para a elección de comité de empresa.
Os días de reunión do comité de empresa, se coinciden con descanso dalgún dos seus membros, seranlles aboados como días traballados.
O comité de empresa é o órgano representativo e colexiado do conxunto dos traballadores na empresa para a defensa dos seus intereses.
1º O comité terá as seguintes competencias:
1. Recibir información que lle será facilitada trimestralmente, polo menos, sobre a evolución xeral do sector económico ó que pertence a empresa, sobre a situación da producción e vendas da entidade, sobre o seu programa de producción e evolución probable do emprego na empresa.
2. Coñece-lo balance, a conta de resultados, a memoria e, no caso de que a empresa revista a forma de sociedade por accións ou participacións, dos demais documentos que se lles dean a coñecer ós socios, e nas mesmas condicións que a estes.
3. Emitir informe con carácter previo á execución por parte do empresario das decisións adoptadas por este sobre as seguintes cuestións:
a) Reestructuración de cadro de persoal e cesamentos totais ou parciais, definitivos ou temporais daquela.
b) Reduccións da xornada, así como, traslado total ou parcial das instalacións.
c) Plans de formación profesional da empresa.
d) Implantación ou revisión de sistemas de organización e control do traballo.
e) Estudio de tempos, establecemento de sistemas de primas ou incentivos e valoración de postos de traballo.
4. Emitir informe cando a fusión, absorción ou modificación do status xurídico da empresa supoña calquera incidencia que afecte ó volume de emprego.
5. Coñece-los modelos de contrato de traballo escritos que se utilicen na empresa, así como os documentos relativos á terminación da relación laboral.
6. Ser informado de tódalas sancións impostas por faltas moi graves.
7. Coñecer trimestralmente, polo menos, as estatísticas sobre o índice de absentismo e as súas causas, os accidentes de traballo e enfermidades profesionais e as súas consecuencias, os índices de sinistralidade, os estudios periódicos ou especiais do ambiente laboral e os mecanismos de prevención que se utilicen.
8. Exercer un labor:
a) De vixilancia no cumprimento das normas vixentes en materia laboral, de seguridade social e emprego, así como o resto dos pactos, condicións e usos de empresa en vigor, formulando, de se-lo caso, as accións legais oportunas ante o empresario e os organismos e tribunais competentes.
b) De vixilancia e control das condicións de seguridade e hixiene no desenvolvemento do traballo na empresa.
9. Participar, como se determine por convenio colectivo, na xestión de obras sociais establecidas na empresa en beneficio dos traballadores ou dos seus familiares.
10. Colaborar coa dirección da empresa para consegui-lo establecemento de cantas medidas procuren o mantemento e o incremento da productividade, de acordo co pactado no convenio colectivo.
11. Informa-los seus representados en tódolos temas e cuestións sinalados neste número un en canto directa ou indirectamente teñan ou poidan ter repercusión nas relacións laborais.
2º Os informes que o comité deba emitir, a teor das competencias recoñecidas nos puntos 1.3 e 1.4 do nº 1 anterior, deben elaborarse no prazo de quince días.
Artigo 29º.-Capacidade e sixilo profesional.
1º Recoñéceselle ó comité de empresa capacidade, como órgano colexiado, para exercer accións administrativas ou xudiciais en todo o relativo ó ámbito das súas competencias, por decisión maioritaria dos seus membros.
2º Os membros do comité de empresa e este no seu conxunto observarán sixilo profesional en todo o referente ós números 1, 2, 3 e 4 do punto 1º do artigo anterior, mesmo despois de deixar de pertencer ó comité de empresa, e en especial en todas aquelas materias sobre as que a dirección sinale expresamente o carácter reservado. En todo caso, ningún tipo de documento entregado pola empresa ó comité poderá ser utilizado fóra do estricto ámbito daquela e para distintos fins dos que motivaron a súa entrega.
Artigo 30º.-Presentación de liquidacións.
Os conductores-perceptores, como tamén os cobradores ou calquera outra persoa que realice esta ou similar función, están obrigados a entregar diariamente a liquidación da recadación realizada, durante o mesmo día á terminación do servicio, tolerándose que esta quede depositada no departamento correspondente antes das oito horas do día seguinte.
No suposto de lle coincidir descanso ó traballador, a recadación poderá ser entregada no momento da súa reincorporación ó posto de traballo.
As recadacións serán entregadas conxuntamente coa folla de liquidación totalmente cuberta.
O incumprimento destas obrigas considerarase como falta grave.
Cada quince días a empresa terá á disposición do comité de empresa a relación do cumprimento desta obriga con faltas e sobras con comunicación ó comité das propostas de sanción que procedan.
Así mesmo, procederase ó estudio para a posible instalación dunha máquina receptora da recadación diaria.
Artigo 31º.-Contraprestacións.
Como contraprestacións ás melloras pactadas neste convenio, os traballadores da empresa obríganse á estricta observancia das súas instruccións para a prestación do servicio, cumprimento de horarios, coidado do material, puntualidade, prevención de accidentes, entrega da recadación diaria da forma disposta, trato correcto ós usuarios, asistencia ós cursos de formación, etc.
Así mesmo, comprométense a colaborar coa empresa para a reducción do absentismo e a eliminación do intrusismo no transporte urbano.
A dirección adecuará, na medida do posible, os tempos de percorrido das liñas á realidade do tráfico, tendo en conta a coordinación entre liñas e a necesaria flexibilidade para que quede tempo de parada nas cabeceiras.
Artigo 32º.-Anticipos.
Calquera traballador poderá solicitar anticipos, especificando no impreso correspondente as causas que motivan a petición. A contía, forma e prazo para o reintegro serán convidos entre o interesado e a dirección.
Non se poderá solicitar un novo anticipo se existe calquera saldo pendente do último anticipo recibido.
Artigo 33º.-Aplicación preferente do convenio.
Tendo en conta que as retribucións pactadas neste convenio, integradas polo salario base, mailos restantes complementos e conceptos con repercusión económica, son de superior contía - en cómputo anual - ás establecidas polas disposicións laborais vixentes, o convenio prevalecerá para tódolos efectos e en materia retributiva sobre as indicadas retribucións.
Artigo 34º.-Réxime de traballo.
En canto ó réxime de traballo respecto da xornada, horario, festividades, vacacións e prestacións extraordinarias, aplicarase o disposto nas normas legais que regulan as atencións de tales servicios públicos, coa plena responsabilidade de todo o persoal da empresa, e coa dedicación e entrega que os servicios públicos esixen.
Artigo 35º.-Absentismo.
O comité de empresa comprométese a poñer tódolos medios necesarios para consegui-la diminución do absentismo para un maior aproveitamento do persoal, fixándose para a duración deste convenio un índice non superior ó 5,25 % do cadro de persoal en cómputo anual.
En función da evolución do índice anual acumulado de absentismo para os anos de vixencia deste convenio 2001, 2002 e 2003, a empresa aboaralles o día 18 de febreiro de cada ano seguinte 2002, 2003 e 2004 a tódolos traballadores unha prima por reducción do absentismo, fixada en tanto por cento da retribución base composta polo soldo base e a antigüidade, segundo a escala seguinte:
AbsentismoPrima reducción absentismo
Menos de 5,25% ata 4,50%0,30%
Menos de 4,50% ata 4,00%0,60%
Menos de 4,00% ata 3,50%0,90%
Menos de 3,50% ata 3,00%1,20%
Menos de 3,00%1,50%
Comisión negociadora do convenio colectivo de Viguesa de Transportes, S.A. Vitrasa.
-Pola dirección:
Víctor Tejuca Álvarez (43.719.492B).
José Luciano Martínez Covelo (35.960.720J).
José Luis Seijas González (33.070.565S).
Francisco Javier Pérez Bravo (36.002.819E).
Rafael González Castro (36.064.581Y).
Juan José Estévez Arosa (36.029.660E).
-Polo comité de empresa:
Francisco José Arosa Valea (36.012.641T).
Nicasio Herrero Ferro (36.004.530P).
Manuel Fresneda Fornet (02.058.217Q).
Camilo Arias Cuñarro (34.240.291F).
Celedonio Villanueva Arias (34.540.794S).
Manuel Marque López (76.836.074C).
Alfonso Pena Melón (35.963.587M).
Ángel Alonso Otero (36.003.707J).
Mª Matilde Souza Iglesias (35.991.172J)
Vigo, 6 de xuño de 2001.
salario convenio D.C. ferram. vacacións vacacións extras transporte
Táboas 2001 Soldo ou
Compl. de
Quebranto
Bolsa de
Compl. de
Horas
Antigüidade Compl. de
Extra de
Bienio Quinquenio Marzo Xullo e Nadal
Persoal de movemento
25 Xefe tráfico 2ª 4.268 1.693 652 45.244 1.349 1.338 184 370 652 138.628 154.713
07 Inspector 4.085 1.631 617 43.090 1.285 1.271 177 352 652 132.099 147.874
35 Controlador SAE 4.009 1.598 605 42.228 1.259 1.246 173 345 652 129.457 144.917
19 Conductor-perceptor 3.834 1.542 652 40.127 1.194 1.221 161 324 652 121.699 136.980
26 Conductor 3.573 997 355 19.397 634 1.035 152 304 652 109.667 124.376
Cobrador 3.436 882 100 15.105 515 868 147 290 652 97.772 111.916
Persoal de administración
02 Xefe sección 163.156 1.783 652 48.274 1.441 1.506 6.806 13.611 652 165.610 182.976
03 Xefe negociado 150.115 1.697 652 45.755 1.354 1.447 6.278 12.555 652 153.270 170.050
04 Oficial 1ª 128.325 1.542 652 40.127 1.194 1.271 5.443 10.887 652 133.310 149.142
05 Oficial 2ª 116.735 1.247 536 30.211 890 1.221 5.004 10.008 652 118.334 133.455
06 Auxiliar 1ª 103.791 997 96 19.397 634 868 4.386 8.775 652 106.044 120.581
31 Auxiliar 2ª 78.454 653 72 14.543 473 652 3.290 6.580 652 79.531 92.809
Persoal de taller
08 Xefe taller 163.156 1.783 652 48.274 1.441 1.506 6.806 13.611 652 165.610 182.976
09 Contramestre 141.769 1.684 652 44.865 1.341 1.386 5.915 11.830 652 145.744 162.167
10 Xefe equipo 4.269 1.631 652 43.089 1.285 1.271 177 352 652 132.099 147.874
11 Oficial 1ª 3.834 1.542 652 40.127 1.194 1.221 161 324 652 121.699 136.980
12 Oficial 2ª 3.639 1.247 635 30.210 890 1.138 155 309 652 111.268 126.053
13 Oficial 3ª 3.573 997 355 19.397 634 1.035 152 304 652 109.666 124.375
14 Mozo 3.436 882 100 15.105 515 868 147 290 652 103.081 117.477
