O Consello da Xerencia Municipal de Urbanismo, en sesión do 7 e xuño de 2001, adoptou, entre outros, o seguinte acordo:
Primeiro.-Aprobar inicialmente o proxecto de urbanización da U.E. 5-A/B do PERI IV-05-travesía de Vigo-Aragón, presentado pola xunta de compensación do devandito polígono con memoria e planos asinados polo arquitecto José M. Alonso Ogando, visados polo COAG no 10-5-2000 e 21-8-2000, e con estudio de seguridade e saúde redactado por Jesús de la Iglesia Santos e visado polo colexio de aparelladores no 8-5-2000 (expediente 4222/401).
Segundo.-Somete-lo presente expediente ó trámite de información pública polo prazo dun mes mediante publicación no Diario Oficial de Galicia e nun dos xornais de maior circulación na provincia, e notificación individualizada ós interesados por este, na forma legalmente prevista.
Procédese ó trámite de información pública do expediente. O prazo entenderase aberto desde a primeira publicación, ata o remate do mes, contado desde o día seguinte ó da derradeira publicación. O expediente
está á disposición do público no departamento de Información Urbanística da Xerencia de Urbanismo (planta baixa do edificio da xerencia).
O presente anuncio servirá de notificación nos termos do art. 59 da Lei de de réxime xurídico das administracións públicas e do procedemento administrativo común para tódolos propietarios e interesados directamente afectados que por resultaren descoñecidos ou ignorando o seu enderezo non poidan ser notificados.
Vigo, 13 de xullo de 2001.
Lóis Pérez Castrillo
Alcalde-presidente da Xerencia Municipal de Urbanismo