1. Nome, enderezo, teléfono e telefax do poder adxudicador:
Organismo autónomo Augas de Galicia.
Praza Camilo Díaz Valiño, s/n.
15781 Santiago de Compostela - A Coruña (España).
Teléfono: 981 54 45 51.
Telefax: 981 54 16 76.
2. a) Modalidade de adxudicación elixida:
Concurso con procedemento aberto.
b) Contido do contrato obxecto da licitación:
Clave: OH.088.173/AT.
Asistencia técnica para a realización dos traballos de tramitación e control de expedientes do canon de saneamento, 2001-2003.
Orzamento: 130.882.516 pesetas (cento trinta millóns oitocentas oitenta e dúas mil cincocentas dezaseis pesetas, equivalente a 786.619,764 euros).
3. Lugar de execución:
Comunidade Autónoma de Galicia.
4. a), b), c) Cualificación profesional do persoal responsable:
É a indicada no punto 5 do prego de prescricións técnicas particulares.
5. Posibilidade de que os prestadores de servicios liciten por unha parte dos servicios de que se trate:
Non existe posibilidade.
6. Variantes:
Os licitadores poderán presentar, ademais, se o estiman conveniente, unha variante ou alternativa, de acordo co indicado no punto 2.1.1. do prego de cláusulas administrativas particulares e no punto 4 do prego de prescricións técnicas particulares.
7. Prazo de execución do contrato:
24 meses.
8. a) Nome e enderezo do servicio ó que pode solicitarse a documentación pertinente:
Organismo autónomo Augas de Galicia. Praza Camilo Díaz Valiño, s/n. Santiago de Compostela - A Coruña (España).
Teléfono: 981 54 45 51.
Así mesmo, tambén se poderá obte-lo prego de cláusulas administrativas particulares relativo a esta contratación no seguinte enderezo da Internet:
http://www.xunta.es/contratacion
b) Data límite para presentación de proposicións:
25 de setembro de 2001, ás 12 horas.
9. a) Persoas admitidas a asistir á apertura das plicas:
Acto público.
b) Lugar, data e hora desta apertura:
Sala de xuntas de Augas de Galicia, día 9 de outubro de 2001, ás 10 horas.
A mesa de contratación comprobará en acto previo a documentación xeral (sobre nº 1), segundo se especifica no punto 2.2.6. Constitución e funcionamento da mesa, do prego de cláusulas administrativas particulares.
10. Fianza e garantías esixidas:
Fianza provisional: dous por cento (2%) do orzamento base de licitación (2.617.650 pesetas, equivalente a 15.732,393 euros).
Fianza definitiva: catro por cento (4%) do orzamento de adxudicación.
As ditas fianzas poderán ser presentadas na modalidade e polas persoas ou entidades que especifica a lexislación española vixente.
11. Modalidades básicas de financiamento e de pagamento e/ou referencias ás disposicións pertinentes:
O pagamento efectuarase por certificación mensual aprobada polo presidente do organismo autónomo Augas de Galicia, obténdose a súa contía a partir da aplicación dos prezos unitarios ás unidades de obra realmente executadas.
12. Se é o caso, forma xurídica que deberá adopta-la agrupación de prestadores de servicios adxudicataria do contrato:
Poderán aceptarse ofertas de agrupación temporal de contratistas, segundo o texto refundido da Lei de
contratos das administracións públicas e normativa de desenvolvemento.
13. Datos referentes á situación de prestador de servicios e datos e formalidades necesarias para avalia-las condicións mínimas de carácter económico e técnico ás que deberá axustarse o prestador de servicios:
Os que figuran no prego de cláusulas administrativas particulares.
14. Prazo durante o que o licitador estará obrigado a mante-la súa oferta:
Tres meses conforme o artigo 89 do texto refundido da Lei de contratos das administracións públicas.
15. Criterios que se utilizarán para a adxudicación do contrato:
Os que figuran no prego de cláusulas administrativas particulares.
16. Información complementaria:
Requisitos específicos do contratista: os licitadores deberán presentar, para os efectos de acredita-la súa solvencia económica e financeira, os documentos citados no artigo 16 do texto refundido da Lei de contratos das administracións públicas, letra a), e a súa solvencia técnica ou profesional mediante os documentos citados no artigo 19, letras a) e b) da mesma lei.
De posuí-lo licitador a clasificación do grupo I, subgrupo 1, categoría C, será eximido da presentación da solvencia económica e financeira e da solvencia técnica ou profesional.
17. Data de envío do anuncio:
31 de xullo de 2001.
18. Data de recepción do anuncio pola Oficina de Publicacións Oficiais das Comunidades Europeas:
31 de xullo de 2001.
O importe do presente anuncio será por conta do adxudicatario.
Santiago de Compostela, 31 de xullo de 2001.
Agustín Hernández Fernández de Rojas
Presidente do organismo autónomo Augas de Galicia
