Aprobado por decreto da Alcaldía do 19 de xullo de 2001, o expediente de contratación, incluídos os pregos de cláusulas administrativas particulares-técnicas que rexerán o concurso para a contratación da adquisición de vehículo-varredora, que se expoñen ó público durante 8 días, contados a partir do seguinte ó de publicación este anuncio no Diario Oficial de Galicia, para que poidan presenta reclamacións os que se consideren interesados.

Simultaneamente anúnciase o concurso, aprazándose a licitación se resultase necesario por formularse reclamacións contra os pregos.

Entidade adxudicadora.

Concello da Guarda. Praza do Reloxo s/n, 36780. Teléfono 986 61 00 00. Fax: 986 61 02 83.

Obxecto do contrato.

Adquisición de vehículo-varredora.

Tipo de licitación.

8.300.000 pesetas (49.884 euros).

Modalidade de adxudicación.

Concurso público, procedemento aberto, tramitación urxente.

Garantías.

Provisional: non existe.

Definitiva: 4% do orzamento.

Exame do expediente.

Os licitadores poderán examina-lo expediente na secretaría xeral do concello, das 9 ás 13 horas, excepto sábados e festivos, e ata o día anterior ó do remate do prazo de presentación de proposicións.

Presentación de proposicións.

No rexistro xeral do concello, dentro do prazo de 13 días naturais, contados a partir do día da última publicación deste anuncio no DOG, das nove ás trece horas de luns a venres, na forma sinalada na cláusula décimo terceira do prego de cláusulas administrativas-técnicas. Se o último día de presentación de ofertas fose inhábil, prorrogarase ata o día hábil seguinte.

Apertura de proposicións.

A apertura terá lugar ás 13 horas do día hábil seguinte ó sinalado como último para a presentación de proposicións (para estes efectos o sábado considerase inhábil).

Gastos de anuncios.

Por conta do adxudicatario.

A Guarda, 19 de xullo de 2001.

José Luis Alonso Riego

Alcalde