De conformidade co disposto nos artigos 48.1º da Lei de expropiación forzosa do 16 de decembro de 1954, e 48.2º, 49, 50 e 51 do seu regulamento do 26 de abril de 1957, esta delegación acorda sinala-lo día 8 de agosto de 2001, a partir das 12 horas, para que o pagador da entidade beneficiaria Hidroeléctrica del Zarzo, S.A., proceda nas oficinas da Casa do Concello de Monfero ó pagamento do prezo xusto e xuros, por expropiación e imposición de servidumes de paso da liña eléctrica aérea a 15/20 kV, centro de transformación e rede de baixa tensión no lugar de Cortizas-Leguas en Monfero (expte. 51578), ós interesados propostos pola citada empresa como titulares dos predios afectados por este proceso expropiatorio, ós que se lles dirixirá notificación individual para o efecto.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación; e así dirixir ó Ministerio Fiscal as dilixencias que se produzan destes, de conformidade co artigo 5 da citada Lei de expropiación forzosa.

A Coruña, 4 de xullo de 2001.

Jesús Espada Martínez

Delegado provincial da Coruña