De conformidade co disposto no artigo 59.4º da Lei 30/1992, do 26 de novembro, de réxime xurídico

das administracións públicas e do procedemento administrativo común, notifícaselle ás personas que no anexo se mencionan, as resolución dos ditos expedientes, por infracción da Lei 7/1992, do 24 de xullo, sobre pesca fluvial en Galicia.

1. Contra a dita resolución, e de conformidade co disposto nos artigos 107.1º e 114 ó 117 da Lei 30/1992, de réxime xurídico das administracións públicas e do procedemento administrativo común, e no prazo dun mes contado a partir do día seguinte desta publicación, poderá interpoñer recurso ordinario ante o conselleiro de Medio Ambiente. Transcorrido o prazo de interposición do recurso sen que este fora presentado, esta resolución será firme para tódolos efectos.

2. O importe da sanción, así como o da indemnización, farase efectivo, dentro do prazo de quince días contados desde o momento en que a resolución sexa firme, na conta 90/3110001181, da Caixa Galicia (2091) oficina (0388). De non facelo dentro do prazo sinalado, procederase o seu cobramento pola vía de constrinximento.

3. O rescate do comisado, no caso de que se trate de utensilios de uso lícito, poderá obterse logo do pagamento da contía total da sanción e indemnización dentro do prazo establecido no prágrafo anterior.

Pontevedra, 22 de xuño de 2001.

José Luis Díez Yáñez

Delegado provincial de Pontevedra

ANEXO

Expediente: P-179/2000.

Denunciado: Tirso Martín García Álvarez, domicilio Celso Emilio Ferreiro, 5-3º, Monforte de Lemos (Lugo).

DNI: 34238686.

Feitos denunciados: pescar sen licencia. O denunciado atopábase coa cana na beira do río e o engado dentro da auga. O denunciado alega que ten a licencia pero a esqueceu. Négase a asinar. No río Umia o día 16 de xullo de 2000.

Data do acordo da incoación: 11-10-2000.

Data da proposta de resolución: 27-2-2001.

Proposta: sancionar a Tirso Martín García Álvarez coa multa de 50.001 pesetas (300,51 euros) e inhabilitación para obte-la licencia de pesca e para o exercicio da dita actividade durante o período de 1 ano.

Alegacións á proposta: non presenta escrito no seu descargo.

Feitos probados: pescar sen a correspondente licencia de pesca.

Precepto infrinxido: 34.1º da Lei 7/1992, de pesca fluvial de Galicia.

Precepto sancionador: 34 da Lei 7/1992, de pesca fluvial de Galicia.

Circunstancias concorrentes: non se aprecian.

Sanción: 50.001 pesetas (300,51 euros).

Inhabilitación: para obte-la licencia de pesca e para o exercicio desta actividade durante 1 ano.