O Pleno do Concello, en sesión do día 20 de xuño de 2001, acordou encomenda-la elaboración do instrumento urbanístico conducente á modificación puntual das normas subsidiarias do planeamento no que atinxe a futuras construccións estremeiras coa nova praza de Baamonde e nas áreas concretas sinaladas no plano 1.2 da ordenación urbana do mencionado núcleo, incorporado ó expediente.
Consecuentemente, acordou suspende-lo outorgamento de licencias municipais de reparcelación de terreos, edificacións e demolición na área sinalada, que figura no devandito plano.
O que se fai público en cumprimento do artigo 33.1º da Lei 1/1997, do 24 de marzo, do solo de Galicia.
Begonte, 21 de xuño de 2001.
Xosé Pena Rábade
Alcalde