De conformidade co disposto polo artigo 59.4º da Lei 30/1992, do 26 de novembro (BOE do 27 de novembro), de réxime xurídico das administracións públicas e do procedemento administrativo común, notifícaselles ás personas que nos anexos se mencionan a incoacción de expediente sancionador por presuntas infraccións á Lei 7/1992, do 24 de xullo, de pesca fluvial (DOG nº 151 do 5 de agosto) e do seu regulamento aprobado polo Decreto 130/1997, do 14 de maio (DOG nº 106, do 4 de xuño).
Noméase instructora do expediente a Míriam Areal López, funcionaria desta delegación; o réxime de recusación é o establecido nos artigos 28 e 29 da Lei 30/1992.
Para os efectos previstos na Lei de réxime xurídico das administracións públicas e do procedemento administrativo común, os expedientados disporán dun prazo de quince (15) días hábiles, contados a partir do seguinte ó da publicación desta notificación para que poidan examina-los expedientes nesta delegación provincial, sita na rúa do Paseo, 18-5º, e achega-las alegacións, documentos e informacións que consideren convenientes na súa defensa, e, se é o caso, propoñer proba concretando os medios de que pretenden valerse.
De non efectuaren alegación ningunha no prazo fixado, este acordo de incoación poderá ser considerado proposta de resolución, conforme o establecido no artigo 13.2º do regulamento para o exercicio da potestade sancionadora, aprobado polo Real decreto 1398/1993, do 4 de agosto.
Ourense, 27 de xuño de 2001.
Agustín Prado Verdeal
Delegado provincial de Ourense
ANEXO
Expediente/ano: OU-065/01P.
Denunciado, DNI: Julián Fuertes Rancaño, 52590585.
Último enderezo coñecido: pza. Daniel González, 6-2º C, Ourense (Ourense).
Feito denunciado: pescar en luns, día inhábil. Pescar sen porta-la documentación preceptiva aínda sendo titular dela.
Precepto infrinxido e sancionador: Lei pesca fluvial Galicia 7/1992 art. 33.1º e 33.9º.
Sanción pesetas: 15.000.
Expediente/ano: OU-053/01P.
Denunciado, DNI: Raúl Mejuto Guntín, 34224208.
Último enderezo coñecido: Ramón Puga, 16-2º, Ourense (Ourense).
Feito denunciado: pescar en luns, día inhábil para a pesca.
Precepto infrinxido e sancionador: Lei pesca fluvial Galicia 7/1992 art. 33.9º.
Sanción pesetas: 10.000.
Expediente/ano: OU-056/01P.
Denunciado, DNI: Sergio Méndez Gándara, 34951755-N.
Último enderezo coñecido: r/ Escultor Faílde, nº 12-5º A, Ourense (Ourense).
Feito denunciado: pescar a mais distancia da permitida regulamentariamente (uns 10 metros).
Precepto infrinxido e sancionador: Lei pesca fluvial Galicia 7/1992 art. 33.3º.
Sanción pesetas: 10.000.