Para os efectos previstos no artigo 28 do regulamento para a execución da Lei 13/1989, do 10
de outubro, de montes veciñais en man común, o Decreto 260/1992, do 4 de setembro, e de conformidade co disposto no artigo 60.1º da Lei 30/1992, do 26 de novembro, de réxime xurídico das administracións públicas e do procedemento administrativo común, faise público que o Xurado Provincial de Montes Veciñais en Man Común de Lugo, na sesión que tivo lugar o 12 de xuño de 2001 na sala de xuntas da delegación provincial da Consellería de Medio Ambiente, baixo a presidencia do seu delegado provincial, e coa asistencia dos vocais Manuel Martínez Garrido, José Antonio Illán Torrón, Manuel Veiga Franco, Luis Alfonso Casais Fernández (en substitución de Emilio Sánchez Coto) e do secretario Luis Quiroga Arnal, dictou a resolución de non clasificar como veciñal en man común o monte seguinte:
Expediente número: 13/1999.
Denominación: monte Lama de Riba.
Comunidade propietaria: veciños da parroquia de Chao de Fabeiro.
Superficie: 22 hectáreas.
Concello: Monforte de Lemos.
Contra esta resolución, e desde a súa notificación ou publicación, poderá interporse recurso potestativo de reposición no prazo dun mes perante o Xurado Provincial de Montes Veciñais en Man Común de Lugo, ou recurso contencioso-administrativo no prazo de dous meses perante o Xulgado do Contencioso-Administrativo de Lugo, de conformidade co disposto no artigo 46.1º da Lei 29/1998, do 13 de xullo, da xurisdicción contencioso-administrativa, en relación co artigo 12 da Lei de montes veciñais en man común e o artigo 28 do seu regulamento, modificados os dous preceptos legais pola Lei 30/1992, do 26 de novembro, de réxime xurídico das administracións públicas e do procedemento administrativo común.
Lugo, 12 de xuño de 2001.
Luis González Vázquez
Presidente do Xurado Provincial de Montes
Veciñais en Man Común de Lugo