Por Orde do 27 de marzo de 2001 (DOG nº 66, do 3 de abril), a Consellería de Xustiza, Interior e Relacións Laborais anunciou medidas de apoio ós concellos galegos, consistentes na cesión de equipos de comunicación bases de radio trunking para misións de protección civil.

Analizadas as solicitudes e a súa documentación polos servicios competentes da Dirección Xeral de Interior e Protección Civil emitiuse o correspondente informe, e de conformidade co punto 5º da devandita orde,

RESOLVO:

Primeiro.-Conceder con cargo á aplicación 13.04.623.0, programa 231 A, dos orzamentos xerais

da Comunidade Autónoma de Galicia para 2001, a cesión en propiedade dun equipo de comunicación base de Radio Trunkig ós concellos da provincia da Coruña: Brión, Camariñas, Cambre, Cariño, Cedeira, Cee, Cerceda, Corcubión, Curtis, A Laracha, Laxe, Lousame, Mugardos, O Pino, Ponteceso, Porto do Son, Sada, Santa Comba, Sobrado, Touro, Val do Dubra, Vedra e Zas; da provincia de Lugo: Carballedo, Lourenzá, Ourol, Pol, A Pontenova e Valadouro; da provincia de Ourense: Amoeiro, Avión, Bande, Calvos de Randín, Cartelle, Larouco, Maceda, O Irixo, Os Blancos, Piñor, Punxín, Rairiz de Veiga, San Cibrao das Viñas, Sandiás, A Veiga e Vilamartin de Valdeorras; e da provincia de Pontevedra: Catoira, A Guarda, Illa de Arousa, Marín, Meis, Moaña, Poio, Ponteareas, Salceda de Caselas, Tomiño, Vilaboa e Vila de Cruces.

Segundo.-Notificárlle-lo contido desta resolución ós concellos beneficiarios, especificando as condicións particulares que deberán cumprir, e que se formalizarán mediante convenio no que constará o acordo da cesión e a aceptación do cesionario.

Terceiro.-Contra esta resolución, que esgota a vía administrativa, poderase interpoñer recurso de reposición ante este mesmo órgano, no prazo dun mes contado a partir do día seguinte ó da publicación desta orde, ou recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do seguinte ó da publicación desta orde. En todo caso, non se poderá interpoñer recurso contencioso-administrativo ata que sexa resolto expresamente ou se produza a desestimación presunta do recurso de reposición.

Santiago de Compostela, 26 de xuño de 2001.

Antonio Pillado Montero

Conselleiro de Xustiza, Interior e Relacións Laborais