Examinados os expedientes promovidos pola Federación de Traballadores do Ensino de Galicia (Fete-UGT), en colaboración coa Universidade da Coruña para os cursos especialización en educación infantil celebrado en Ferrol e especialista en audición y linguaxe celebrado na Coruña, homologados ámbolos dous con data 22 de novembro de 1999, e segundo o establecido na orde ministerial do 11-1-1996, con corrección de erros no BOE do 3 de febreiro de 1996, pola que se homologan os cursos de especialización de educación infantil, educación primaria, de educación especial e do primeiro ciclo de educación secundaria obrigatoria e de habilitación para o primeiro ciclo de educación infantil, e na Resolución do 3 de xuño de 1997 (DOG do 17), pola que se regulan as condicións e o procedemento para a homologación dos citados cursos de especialización, esta dirección xeral, de conformidade co disposto no punto noveno da devandita resolución

RESOLVE:

Primeiro.-Declarar aptos os mestres funcionarios de carreira relacionados no anexo I desta resolución e que superaron satisfactoriamente os cursos que nel figuran.

Segundo.-A Universidade da Coruña, en colaboración coa Fete-UGT, procederán a expedírlle-la certificación de especialistas en educación infantil e de especialistas en audición e linguaxe ós mestres declarados aptos ó amparo desta resolución, de conformidade e coas condicións que figuran no punto oitavo da resolución da Consellería de Educación e Ordenación Universitaria do 3 de xuño de 1997.

Terceiro.-Contra esta resolución, que esgota a vía administrativa, os interesados poderán interpoñer recurso potestativo de reposición perante a directora xeral de Ordenación Universitaria e Formación Pro

fesional no prazo dun mes contado a partir do día seguinte ó da súa publicación no DOG, segundo o disposto nos artigos 116 e 117 da Lei 4/1999 (BOE do 14 de xaneiro) de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo no prazo de dous meses perante o Tribunal Superior de Xustiza de Galicia.

Santiago de Compostela, 20 de xuño de 2001.

María Pilar del Mar Pérez Marsó

Directora xeral de Ordenación Educativa e

Formación Profesional

ANEXO

Curso especialización en educación infantil (Ferrol)

Fete-UGT e Universidade da Coruña

ANEXO

Curso especialista en audición y lenguaje (A Coruña)

Fete-UGT e Universidade da Coruña