Examinados os expedientes sobre a constitución dos colexios rurais agrupados Os Remuíños (Cabana de Bergantiños) e Raíña Aragonta (Salceda de Caselas), tramitados polas delegacións provinciais da Coruña e Pontevedra.

Visto o Decreto 374/1996, do 17 de outubro (DOG do 21 de outubro), polo que se aproba o Regulamento das escolas de infantil e dos colexios de primaria, e a Orde do 22 de xullo de 1997 (DOG do 2 de setembro), que desenvolve o dito decreto.

Esta consellería, en virtude do establecido no artigo 6.3º do referido Decreto 374/1996, e por proposta

da Dirección Xeral de Centros e Inspección Educativa,

DISPÓN:

Primeiro.-Constituí-los colexios rurais agrupados Os Remuíños de Cabana de Bergantiños e Raíña Aragonta de Salceda de Caselas, cos datos que figuran no anexo desta orde.

Segundo.-Integrar no colexio rural agrupado Os Remuíños de Cabana de Bergantiños os colexios e escolas que se suprimen como tales, de: EEI de Piñeiro (código 15023934), EEI de Borneiro (código 15020799), EEI de Fontenla (código 15020805), CEIP de Millán (código 15001938), EEI de Cundíns (código 15020817).

Terceiro.-Integrar no colexio rural agrupado Raíña Aragonta de Salceda de Caselas os colexios e escolas, que se suprimen como tales de: EEI da Ascensión (código 36014076), EEI da Revolta (código 36014088), EEI de Fontán (código 36017387), EEI do Carballal-A Picoña (código 36016462), EEI A Venda Nova-San Xurxo (código 36017727), EEI da Esfarrapada (código 36015901), EEI do Barreiro (código 36017302), EEI da Lomba (código 36014064), EEI de Soutelo (código 36020416).

Esta orde entrará en vigor o día seguinte ó da súa publicación no Diario Oficial de Galicia.

Santiago de Compostela, 22 de xuño de 2001.

Celso Currás Fernández

Conselleiro de Educación e Ordenación Universitaria