Para cumprir co disposto no artigo 70.2º da Lei reguladora das bases do réxime local e 48 da Lei 1/1997, do 24 de marzo, do solo de Galicia, faise pública a aprobación definitiva da modificación puntual nº 1/2001 do Plan Xeral de Ordenación Municipal que co quórum que esixe o artigo 47.3º i) da Lei de bases de réxime local e 215.2º i) da Lei de Administración local de Galicia, acordou o pleno do concello na súa sesión do 12-7-2001, recolléndose a continuación a parte dispositiva do acordo que se adoptou:

Primeiro.-Aprobar con carácter definitivo a modificación puntual nº 1/2001 do PXOM de Verín segundo os termos nos que se atopa redactada. Abranguen esa aprobación definitiva tódolos documentos, previsións e manifestacións que figuran no referido documento.

Segundo.-Publica-la aprobación definitiva da modificación do PXOM de Verín no Diario Oficial de Galicia e no BOP, inserindo neste último integramente o texto que proceda.

Terceiro.-Cumpri-las restantes previsións que establece o artigo 48 da Lei do solo de Galicia para que a aprobación definitiva da modificación do PXOM que se acorda sexa plenamente efectiva e eficaz.

Verín, 13 de xullo de 2001.

Juan Manuel Jiménez Morán

Alcalde