O Pleno Municipal, na súa sesión do 26 de xuño de 2001, adoptou o seguinte acordo:
«1. Aprobar con carácter definitivo o Plan parcial dun sector de SUNP-área 6, denominado Zapateira 1, promovido pola sociedade Promociones Olsanova, S.L. e redactado polo arquitecto Javier NogueirasMascarenhas, segundo documento con visado colexial do 26 de abril de 2001, no que se introducen determinadas modificacións non substanciais res
pecto ó inicialmente aprobado polas correccións derivadas do propio acordo de aprobación inicial e do informe previo á aprobación definitiva da Consellería de Política Territorial, Obras Públicas e Vivenda.
2. Proceder á publicación do acordo de aprobación definitiva no DOG e no BOP, así como neste último da normativa e ordenanzas que contén, e comunicarllo á Consellería de Política Territorial, Obras Públicas e Vivenda dándolle traslado da documentación esixida polo artigo 48.3º da LSG.
3. Requirir da sociedade promotora que preste a garantía establecida no artigo 46 c) do Regulamento de planeamento urbanístico, por importe do 6% da avaliación económica do propio plan parcial, no prazo dun mes contado desde a notificación deste acordo, non procedéndose á súa publicación ata a súa prestación de conformidade co disposto no artigo 139.3º do citado regulamento.
4. Determinar que este acordo é firme en vía administrativa e pode ser directamente impugnado ante a xurisdicción contencioso-administrativa, sen prexuízo do potestativo recurso de reposición, de acordo co establecido na lexislación vixente».
Culleredo, 29 de xuño de 2001.
Ricardo Seoane Candamio
Concelleiro delegado de Urbanismo