De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas que no anexo se mencionan que, con esta data, resolvín publica-la proposta de resolución do procedemento sancionador que se instrúe por infracción á Lei 4/1997, de caza en Galicia, do 25 de xuño (DOG do 11 de xuño).

O pagamento voluntario porá fin ó expediente; de non efectualo voluntariamente, dispoñen os interesados dun prazo de quince (15) días, contados a partir do seguinte ó de publicación desta notificación, para formularen cantas alegacións consideren pertinentes.

O que se lles comunica de acordo coa normativa antes citada, así como co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189, do 9 de agosto) e no Decreto 482/1997, do 30 de decembro (DOG do 8 de xaneiro), polo que se establece a estructura orgánica da Consellería de Medio Ambiente.

ANEXO

Expediente: C-100/2000

Denunciado: Emilio Fernández Abelaira.

DNI: 34254759.

Enderezo: Sobrelle. Piñeiro. O Saviñao. Lugo.

Feito denunciado: facer uso indebido da escopeta en zona de seguridade, ó efectuar dous disparos desde a ponte de Piñeira, marxe esquerda, despois de apearse dun vehículo marca Nissan, modelo Patrol, matrícula CS-7262-L, abatendo tres patos. Feitos constatados o día 17-12-2000 ás 14 h aproximadamente, en Pereira-Piñeira.Monforte de Lemos. Lugo.

Precepto sancionador: 58.33º da Lei 4/1997, de caza de Galicia.

Cualificación da sanción: grave.

Sanción: 100.001 pesetas de multa.

Inhabilitación para obte-la licencia de caza e para o exercicio de esta actividade por un período dun ano e un día.

Lugo, 14 de xuño de 2001.

Luis González Vázquez

Delegado provincial de Lugo