De conformidade co disposto polo artigo 59.4º da Lei do 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común e no Decreto 482/1997, do 30 de decembro (DOG do 8 de xaneiro 1998), polo que se establece a estructura orgánica da Consellería de Medio Ambiente, notifícaselles ás persoas que no anexo se mencionan, que con esta data resolvín publica-lo acordo de iniciación do procedemento sancionador por infracción da Lei 7/1992, do 24 de xullo, de pesca fluvial de Galicia (DOG nº 151, do 5 de agosto), por non ser posible a notificación a través do servicio de correos.

Noméase instructora deste procedemento a Paloma Quiroga López, e secretaria a Marta Joaquín Tersado, funcionarias desta delegación provincial, podendo ser recusadas en calquera momento da tramitación do expediente de concorre-los supostos legais.

Os interesados disporán dun prazo de quince días (15), contados a partir do seguinte ó da publicación desta notificación, para achegar, por escrito, cantas alegacións, documentos, informacións ou propostas de probas consideren convenientes en defensa dos seus dereitos.

Conforme o establecido no artigo 13.2º do Regulamento de procedemento para o exercicio da potestade sancionadora, do 4 de agosto de 1993, de non efectuarse alegacións no prazo anterior, este acordo de iniciación poderá ser considerado proposta de resolución, determinándose para estes efectos o importe da sanción.

O pagamento voluntario porá fin ó expediente. Para efectualo deberá emprega-los impresos normalizados que lle serán facilitados nesta Delegación Provincial de Lugo, sita na Ronda da Muralla, nº 70-1ª planta.

O que se lles comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobada polo Real decreto 1398/1993, do 4 de agosto (BOE nº 189, do 9 de agosto).

ANEXO

Expediente: P-14/2001.

Denunciado: Casa de Ron (DNI 01095107-P).

Último enderezo coñecido: Laxes, nº 7. Corgo. Lugo.

Feitos imputados: provoca-lo enturbamento das augas continentais do río Mazadan mediante a vertedura de xurro procedente da fosa séptica que posúe a explotación, dando os resultados das análises das mostras de auga recollidas uns elevados valores de sulfatos, fosfatos e sólidos en suspensión que incumpren o disposto no anexo V do Decreto 130/1997, do 14 de maio, alterando o ecosistema fluvial. Feitos constatados o día 17-2-2001, ás 14.45 horas en Laxes. O Corgo. Lugo.

Precepto sancionador: 35.9º da Lei 7/1992, de pesca fluvial de Galicia.

Cualificación infracción: grave.

Sanción: 500.001 pesetas de multa.

Lugo, 6 de xuño de 2001.

Luis González Vázquez

Delegado provincial de Lugo