En sesión que tivo lugar o día 22 de xuño de 2001 polo tribunal designado para xulga-lo proceso selectivo para a cobertura de 14 postos de traballo do grupo B, analista-programador, convocado pola orde da Consellería da Presidencia e Administración Pública do 12 de setembro de 2000 (DOG nº 190, do 29 de setembro) acordouse, de conformidade coa base sétima da dita convocatoria eleva-la proposta dos aspirantes que superaron o proceso ó conselleiro da Presidencia e Administración Pública.

A orde de puntuación dos aspirantes estableceuse coa suma das puntuacións obtidas nos distintos exercicios nos que consistían as probas selectivas, que é a que figura como anexo a esta resolución.

A partir da dita publicación no DOG, os aspirantes seleccionados disporán do prazo de 10 días naturais para presentar na Dirección Xeral da Función Pública os documentos sinalados na base sétima da orde de convocatoria do 12 de setembro de 2000.

Contra esta resolución poderase interpoñer recurso de alzada ante a Consellería da Presidencia e Administración Pública no prazo dun mes segundo se establece no artigo 115 da Lei 4/1999, de modificación da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 22 de xuño de 2001

Loreto Díaz Sánchez

Presidenta do tribunal

ANEXO