A entrada en vigor da Lei orgánica 5/2000, do 12 de xaneiro, reguladora da responsabilidade penal dos menores, supón unha maior intervención da Comunidade Autónoma na defensa xudicial dos menores, na execución de medidas e no número de menores atendidos ó seren diferentes os tramos de idade previstos pola nova lei. Para poder facer fronte a estas novas funcións créanse diferentes postos de persoal funcionario e laboral na relación de postos de traballo da Consellería de Familia e Promoción do Emprego, Muller e Xuventude.
En consecuencia, por proposta da devandita consellería, consultadas as organizacións sindicais presentes na Mesa Xeral de Negociación da Comunidade Autónoma de Galicia e a Comisión de Persoal, o
Consello da Xunta de Galicia na súa reunión do día doce de xullo de dous mil un,
ACORDO:
Primeiro.-Modifica-la vixente relación de postos de traballo da Consellería de Familia e Promoción do Emprego, Muller e Xuventude, nos termos que se sinalan nos anexos a este acordo.
Segundo.-Ordena-la publicación da dita modificación no Diario Oficial de Galicia para efectos da súa entrada en vigor a partir do día seguinte a ela.
Visto o acordo adoptado polo Consello da Xunta de Galicia na súa reunión do doce de xullo de dous mil un, relativo á modificación da relación de postos de traballo da Consellería de Familia e Promoción do Emprego, Muller e Xuventude, coa finalidade de cumpri-lo dito acordo, dispoño que se publique no Diario Oficial de Galicia como anexo a esta resolución.
Santiago de Compostela, 13 de xullo de 2001.
Jaime Pita Varela
Conselleiro da Presidencia e Administración Pública
Modificacións:
No DOG nº 184, do 22-9-1998, na páxina 10.536, no centro de destino ALBERGUE XUVENIL DE GANDARÍO (BERGONDO), no posto FA.C99.40.101.15080.001. DIRECTOR ALBERGUE, na columna Corpo/escala engádese DOCENTE.
