En cumprimento dos acordos existentes coa Consellería de Medio Ambiente e durante o prazo de trinta (30) días, o órgano substantivo someterá o estudio de impacto ambiental ó trámite de información pública, mediante anuncio no Diario Oficial de Galicia.
Na súa virtude,
RESOLVO:
Primeiro.-Someter a información pública o estudio de impacto ambiental do proxecto de mellora da dársena de Porcillán, situado en Ribadeo (Lugo).
Segundo.-Para os devanditos efectos informativos, poranse á disposición dos administrados exemplares nas seguintes dependencias:
-Dirección Xeral de Calidade e Avaliación Ambiental.
-Delegación Provincial da Consellería de Medio Ambiente da provincia de Lugo.
-Concello de Ribadeo.
-Ente público Portos de Galicia.
Terceiro.-As alegacións formularanse durante o prazo de trinta (30) días contados a partir do seguinte ó da publicación desta resolución no Diario Oficial de Galicia.
Santiago de Compostela, 2 de xullo de 2001.
Emilio García Gallego
Presidente do ente público Portos de Galicia