De conformidade co disposto no artigo 59.4º da Lei 30/1992, do 26 de novembro, modificada pola Lei 4/1999, de réxime xurídico das administraciones públicas e do procedemento administrativo común, notifícaselle á denunciada cos datos sociais e derradeira dirección coñecida que se sinalará de seguido, a proposta de resolución do correspondente expediente sancionador por presunta infracción á Lei 10/1998, do 21 de abril, de residuos, ó non ser posible a súa notificación a través do servicio de correos.

Para os efectos previstos na Lei de réxime xurídico das administraciones públicas e do procedemento administrativo común, a expedientada disporá dun prazo de quince (15) días hábiles, contados a partir do seguinte ó da publicación desta notificación para que poidan examina-lo expediente nesta dirección xeral, sita na rúa Os Feáns, nº 7-C, e achegar por escrito as alegacións e os documentos, informacións ou proposta de probas que consideren convenientes na defensa dos seus dereitos segundo o establecido no Regulamento para o exercicio da potestade sancionadora, aprobado polo Real decreto 1398/1993, do 4 de agosto.

A competencia para a resolución do presente procedemento sancionador correspóndelle ó conselleiro de Medio Ambiente da Xunta de Galicia de conformidade co disposto nos artigos 45.2º b) da Lei 1/1995, do 2 de xaneiro, de protección ambiental de Galicia, en relación co Decreto 482/1997, do 26 de decembro, polo que se establece a estructura orgánica da Consellería de Medio Ambiente.

O pagamento voluntario porá fin ó expediente. O importe da sanción que en cada caso corresponda, farase efectiva na conta restrinxida de recadación de multas e sancións 2091-0388-90-3110001181, que a Delegación da Consellería de Medio Ambiente ten na Caixa Galicia; empregando o impreso oficial que se facilitará na Dirección Xeral de Calidade e Avaliación Ambiental ou en calquera unidade administrativa pertencente á Xunta de Galicia, presentándoos en calquera entidade bancaria.

Santiago de Compostela, 21 de xuño de 2001.

Alejandra Domínguez Vilas

Instructora

Vº e prace

Francisco J. Pan-Montojo González

Director xeral de Calidade e Avaliación Ambiental

ANEXO

Expediente: residuos Nº RP 018/2001

Denunciado: Revestimientos Galicia, S.L. (Revesgal, S.L.).

Último enderezo coñecido: rúa Rocío, nº 6, Vigo (Pontevedra).

Feitos denunciados: producir residuos perigosos sen a preceptiva autorización administrativa.

Tipificación: artigo 34.3º a) da Lei 10/1998, do 21 de abril, de residuos.

Cualificación: grave.