Pola Orde do 15 de xaneiro de 2001 (DOG nº 17, do 24 de xaneiro), foron nomeados os membros dos tribunais encargados de cualifica-lo proceso selectivo para o acceso ó corpo subalterno da Xunta de Galicia (grupo E), figurando como presidente titular do tribunal E1 Juan José Álvarez Pérez e como presidenta suplente Loreto Díaz Sánchez.
Como consecuencia do falecemento de Juan José Álvarez Pérez quedou vacante a dita presidencia, polo que procede nomear novo titular, e por iso, de conformidade co establecido na base III.4 da orde da convocatoria,
DISPOÑO:
Nomear presidenta titular do tribunal E1 a Loreto Díaz Sánchez, subdirectora xeral de Xestión de Persoal da Consellería da Presidencia e Administración Pública, deixando sen efecto o nomeamento do 15 de xaneiro de 2001 como presidenta suplente.
Santiago de Compostela, 10 de xullo de 2001.
Jaime Pita Varela
Conselleiro da Presidencia e Administración Pública