O Pleno do Concello de Salvaterra de Miño, en sesión que tivo lugar o día 11 de xullo de 2001, adoptou o seguinte acordo:

1. Aprobar definitivamente a modificación puntual das normas subsidiarias de planeamento municipal no contorno da Casa de Cultura de Salvaterra de Miño, relativo á reordenación do solo urbano onde radica a parcela con cualificación dotacional casa de cultura.

2. Que se proceda á publicación deste acordo no DOG e no BOP de Pontevedra, así como ás comunicacións e traslados previstos no artigo 48.3º da Lei do solo de Galicia.

Contra o devandito acordo, que pon fin á vía administrativa, poderá interpoñerse recurso contencios-administrativo perante o Tribunal Superior de Xustiza de Galicia, no prazo de dous meses, contados desde o día seguinte ó da publicación deste anuncio no DOG.

Así mesmo, este anuncio servirá de notificación nos termos previstos no artigo 59 da Lei de de réxime xurídico das administracións públicas e do procedemento administrativo común.

Salvaterra de Miño, 12 de xullo de 2001.

Manuel Andrés Acuña

Alcalde-presidente accidental