Mediante Resolución do 4 de xullo de 2001, publicada no DOG nº 134, do 11 de xullo, iniciouse o concurso, polo procedemento aberto, dun contrato de servicios consistente no desenvolvemento dun sistema de información para a xestión dos plans de labores das actividades mineiras. O prego de cláusulas administrativas establece un prazo de 15 días naturais para a presentación de ofertas.

O devandito prazo considérase insuficiente por canto os dous criterios principais de valoración son a calidade técnica e as melloras propostas, o que require un prazo maior para o seu estudio e preparación.

En consecuencia, resolvo a modificación do prazo para a presentación de ofertas, que queda establecido en 30 días naturais. O novo prazo computarase a partir do día seguinte ó da publicación desta resolución no Diario Oficial de Galicia.

Santiago de Compostela, 12 de xullo de 2001.

P.D. (Orde 13-10-1999, DOG nº 207)

Jesús Vázquez San Luis

Secretario xeral da Consellería de Industria

e Comercio