O artigo 28 do vixente Estatuto de autonomía de Galicia establece no seu apartado 2º a competencia da Comunidad Autónoma de Galicia para o desenvolvemento lexislativo e execución da lexislación do Estado en materia de expropiación forzosa.
As obras sinaladas no encabezamento da presente resolución atópanse incluídas no programa de obras que se van realizar con cargo ó programa 413-B construcción, conservación e explotación de estradas.
Con data do 6 de febrerio do 2001, procédese á aprobación do proxecto de trazado das obras de nova estrada PO-400, variante de Salvaterra, clave N/PO/89.15.1, termo municipal de Salvaterra de Miño, polo director xeral de Obras Públicas, por delegación do conselleiro de Política Territorial, Obras Públicas e Vivenda.
Con data do 22 de febreiro do 2001, a Xunta de Galicia procedeu á declaración de utilidade pública e a urxente ocupación dos bens e dereitos necesarios para efectos de expropiación para as mencionadas obras por Decreto 54/2001, publicado no DOG nº 50, do 12 de marzo de 2001.
Na súa virtude e en cumprimento do disposto nos artigos 52 da vixente Lei de expropiación forzosa de 16 de decembro de 1954 e 56 e seguintes do Regulamento para a súa aplicación, este servicio, no uso das facultades que lle confire o artigo 98 da mencionada lei, resolveu convoca-los titulares de bens e dereitos afectados para que comparezan nos lugares, datas e horas que se citan para procederen ó levantamento das actas previas á ocupación, nas que se recollerán os datos necesarios para determina-los bens e dereitos afectados, e os prexuízos derivados da rápida ocupación, sen prexuízo de se trasladar ó lugar dos predios se o consideran necesario.
Casa da Cultura do Concello de Salvaterra de Miño.
Día: 6 de agosto de 2001.
Horario: 9 a 13.30 horas.
De: do predio nº 001 ó predio nº 075.
Día: 7 de agosto de 2001.
Horario: 9 a 13.30 horas.
De: do predio nº 076 ó predio nº 150.
Día: 8 de agosto de 2001.
Horario: 9 a 13.30 horas.
De: do predio nº 151 ó predio nº 210.
Día: 9 de agosto de 2001.
Horario: 9 a 13.30 horas.
De: do predio nº 211 ó predio nº 290.
Día: 10 de agosto de 2001.
Horario: 9 a 13.30 horas.
De: do predio nº 291 ó predio nº 372.
Día: 13 de agosto de 2001.
Horario: 9 a 13.30 horas.
De: do predio nº 373 ó predio nº 445.
Día: 14 de agosto de 2001.
Horario: 9 a 13.30 horas.
De: do predio nº 446 ó último predio.
A relación de titulares dos bens e dereitos afectados, así como o plano parcelario correspondente estarán expostas no Concello de Salvaterra e no Servicio Provincial de Estradas da Xunta de Galicia de Pontevedra, na rúa Said Armesto nº 1, 36001 Pontevedra.
Ó dito acto deberán acudi-los titulares afectados, persoalmente ou ben representados por persoa debidamente autorizada para actuaren no seu nome, achegando os documentos acreditativos da súa titularidade, documento nacional de identidade e último recibo da contribución, podendo acompañarse, pola súa conta, se o consideran oportuno dos seus peritos e notario.
Así mesmo e no cumprimento do establecido no artigo 56 do Regulamento da Lei de expropiación forzosa ábrese información pública durante o prazo de 15 días hábiles, contados a partir do seguinte ó da publicación desta resolución no Boletín Oficial del Estado ou ata o momento do levantamento das actas previas á ocupación correspondente, para o fin de que os interesados poidan formular por escrito, ante este Servicio Provincial de Estradas da Xunta de Galicia de Pontevedra, as alegacións que estimen pertinentes para o obxecto de emendar posibles erros padecidos ó relaciona-los bens afectados pola urxente ocupación.
Pontevedra, 3 de xullo de 2001.
Fausto Núñez Vilar
Enxeñeiro xefe
