De conformidade co disposto polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no anexo se menciona a incoación do correspondente expediente sancionador por presunta infracción á Lei 1/1993, do 13 de abril, de protección de animais domésticos e salvaxes en catividade, e o Decreto 153/1998, do 2 de abril, polo que se aproba o regulamento da lei anterior, ó non ser posible a súa notificación a través do servicio de correos.

Noméase instructora do expediente a Míriam Areal López, funcionaria desta delegación provincial, que poderá ser recusada conforme o réxime establecido nos artigos 28 e 29 da Lei 30/1992.

Para os efectos previstos na Lei de réxime xurídico das administracións públicas e do procedemento administrativo común, o expedientado disporá dun prazo de quince (15) días hábiles, contados a partir do seguinte ó da publicación desta notificación, para que poida examina-lo expediente nesta delegación provincial, sita na rúa do Paseo nº 18-5º planta e achegar por escrito alegacións, documentos, informacións ou proposta de probas que considere convenientes na defensa dos seus dereitos.

De conformidade co artigo 44.2º, da Lei 30/1992, de réxime xurídico das administracións públicas e do procedemento administrativo común, infórmase de que, no caso de non resolver este expediente no prazo de seis meses, tendo en conta as posibles interrupcións do seu cómputo por causas imputables ó interesado, se producirá a súa caducidade. A resolución que declare a caducidade ordenará o arquivo das actuacións cos efectos previstos no artigo 92 desta lei.

De non efectuar alegación ningunha no prazo fixado, este acordo de incoación poderá ser considerado proposta de resolución, conforme o establecido no artigo 13.2º do regulamento para o exercicio da potestade sancionadora, aprobado polo Real decreto 1398/1993, do 4 de agosto, determinándose para estes efectos o importe da sanción indicado no anexo.

O expedientado ten dereito a coñecer en calquera momento do procedemento o estado de tramitación

no que se encontra o expediente e acceder a el e obter copias dos documentos ou informacións incluídas nel, logo de pagamento das taxas correspondentes, polo que se pón de manifesto o expediente durante o mesmo prazo que se citou con anterioridade.

Para resolve-lo expediente é competente por razón da contía da multa o director xeral de Montes e MAN desta consellería de acordo co artigo 24.2º b) da Lei 1/1993, do 13 de abril, de protección de animais domésticos e salvaxes en catividade e Decrreto 153/1998 do 2 de abril.

O pagamento voluntario porá fin ó expediente. O importe da sanción que en cada caso corresponda farase efectiva na conta número 2091-0388-90-3110001181 de Caixa Galicia, empregando o impreso oficial que se facilitará na Delegación Provincial de Ourense ou en calquera unidade administrativa pertencente á Xunta de Galicia.

Ourense, 19 xuño de 2001.

Agustín Prado Verdeal

Delegado provincial de Ourense

ANEXO

Expediente: OU-4/01-Animais.

Denunciado: Venancio Rodríguez Barandela.

DNI: X0158638-F.

Último enderezo coñecido: Loiro de Abaixo. S. Cibrao das Viñas(Ourense).

Feitos denunciados: abandono dun can de raza boxer no interior dun vehículo Wolksvagen Polo matrícula OU-7282-L.

Precepto infrinxido e sancionador: artig 21 c) da Lei 1/1993, de 13 de abril, de protección de animais domésticos e salvaxes en catividade, e Decreto 153/1998, do 2 de abril, polo que se aproba o regulamento da lei anterior.

Sanción: 50.001 pesetas.