O Decreto 25/2001, do 18 de xaneiro, polo que se regula a organización e o funcionamento do Consello Galego de Cooperativas, desenvolve as previsións contidas na súa norma de creación, a
Lei 5/1998, do 18 de decembro, de cooperativas de Galicia, regulando no seu artigo cuarto a composición, e no artigo quinto o procedemento de nomeamento dos membros deste órgano.
Pola vacante producida polo membro titular en representación da Consellería de Pesca, Marisqueo e Acuicultura, con data do 20 de xuño de 2001, a devandita consellería procede ó nomeamento de vocal titular e suplente no Consello Galego de Cooperativas.
Polo exposto, de acordo coa proposta realizada e facendo uso da autorización prevista na disposición derradeira primeira do referido decreto,
DISPOÑO:
Artigo único.-En representación da Consellería de Pesca, Marisqueo e Acuicultura e por proposta do conselleiro da devandita consellería, noméase como membro titular do Consello Galego de Cooperativas a Miguel Ángel López Sieiro e como suplente a Joaquín Mariño Cadarso.
Santiago de Compostela, 26 de xuño de 2001.
Antonio Pillado Montero
Conselleiro de Xustiza, Interior e Relacións Laborais