1. Con data do 8 de xuño dictouse resolución da directora xeral do Igape pola que se aprobaba a contratación do seguro de bens do Igape na Comunidade Autónoma de Galicia e a súa responsabilidade civil, resolución que na cláusula terceira aprobaba os pregos de cláusulas administrativas particulares e de prescricións técnicas.

2. Detectado erro material no prego de prescricións técnicas, na cláusula 3.XV, no sentido de que onde di: «Polo que respecta á valoración dos bens asegurados, os licitantes deberán indicar na oferta técnica (sobre B) a taxa de regularización aplicable sobre orzamento anual», debe dicir: «Polo que respecta á valoración dos bens asegurados, os licitantes deberán indicar na oferta técnica (sobre B) a taxa de regularización aplicable sobre capital asegurado».

3. En virtude do artigo 105.2º da Lei 30/1992, de réxime xurídico das administracións públicas e do procedemento administrativo común, e da delegación de facultades ó meu favor conferida por acordo do Consello de Dirección do Igape do 30 de marzo de 2000 (DOG nº 81, do 27 de abril).

RESOLVO:

A rectificación do erro material detectado na cláusula 3.XV do prego de prescricións técnicas, no sentido de que onde di: «Polo que respecta á valoración dos bens asegurados, os licitantes deberán indicar na oferta técnica (sobre B) a taxa de regularización aplicable sobre orzamento anual», debe dicir: «Polo que respecta á valoración dos bens asegurados, os licitantes deberán indicar na oferta técnica (sobre B) a taxa de regularización aplicable sobre capital asegurado».

Santiago de Compostela, 27 de xuño de 2001.

Margarita Rodríguez Rama

Directora xeral do Instituto Galego

de Promoción Económica