Por medio desta cédula, e en cumprimento do disposto no artigo 142 do Regulamento de VPO aprobado polo Decreto 2114/1968, do 24 de xullo, notifícaselle ó interesado, cos datos e último domicilio coñecido sinalados no anexo, a proposta de resolución de desafiuzamento acordada pola instructora dos expedientes do IGVS da Coruña por ocupación sen título legal para iso, causa suficiente de desafiuzamento conforme o disposto no artigo 30.2º do Real decreto 2960/1976, do 12 de novembro, polo que se aproba o texto refundido da lexislación de VPO, e 138.2 do Regulamento de VPO, Decreto 2114/1968, do 24 de xullo.

Concédese un prazo de 15 días hábiles desde o seguinte ó da publicación desta cédula para a contestación perante este Servicio Provincial do IGVS da Coruña, alegando por escrito canto consideren conveniente para a súa defensa. Transcorrido o dito prazo elevaranse as actuacións o órgano competente para a súa resolución.

Para que conste e lles sirva de notificación ós interesados en cumprimento do disposto no artigo 59.4º da Lei 30/1992, do 26 de novembro, de réxime xurídico das administracións públicas e do proce

demento administrativo común, expido, asino e selo esta cédula na Coruña o 1 de xuño de 2001.

Mª Teresa Morán Calero

Xefa de Área Provincial da Coruña

ANEXO

Nº de expediente de desafiuzamento: 15/2001.

Expedientada: Mª Jesús Galván Velasco e outros.

Último domicilio coñecido: rúa Celso Emilio Ferreiro nº 5, bloque 3, 2º C, Polígono de Vite (Santiago de Compostela).

(Expte. C-4-IV/75, conta 42).