Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: desvío de instalacións estrada LU-212 Monterroso-Taboada.
Situación: Monterroso-Taboada.
Características técnicas: L.M.T. a 20 kV de 124 m de lonxitude en conductor LA-56 con orixe no apoio nº 1 da L.M.T. Monterroso I, C.T. Taboada e final no apoio proxectado nº 2 da mesma liña. L.M.T. a 20 kV de 56 m de lonxitude en conductor AL-56 con orixe en L.M.T. Monterroso I, C.T. Taboada e final no C.T. Baiuca. C.T. de 50 kVA relación 20.000/380-220 V.
Cumpridos os trámites ordenados na Lei 54/1997, do 27 de novembro, e nos capítulo VII do Real decreto 1955/2000, do 1 de decembro, sobre autorización de instalacións eléctricas, esta delegación provincial resolve:
Autorizar e aproba-lo proxecto de execución das devanditas instalacións, cunhas características que se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente ó seu dereito.
Lugo, 15 de maio de 2001.
Jesús Bendaña Suárez
Delegado provincial de Lugo