1. Entidade adxudicadora: Servicio Galego de Saúde. División de Recursos Económicos. Sudirección Xeral de Orzamentos; edificio administrativo San Caetano, bloque 2-2º. Teléfono 981 54 27 78; fax 981 54 27 62. Santiago de Compostela.
2. Obxecto do contrato: atención de pacientes con procesos psiquiátricos agudos que requiran tratamento en réxime de hospitalización completa, derivados do Complexo Hospitalario de Pontevedra.
3. Tramitación, procedemento e forma de adxudicación: concurso polo procedemento aberto.
4. Orzamento base de licitación: importe máximo previsto de corenta millóns (40.000.000) de pesetas, 240.404,84 euros.
5. Fianzas e garantías: non se esixen.
6. Documentos de interese para os licitadores: os pregos de cláusulas administrativas particulares e prescricións técnicas pódense solicitar na División de Recursos Económicos (Servicio de Xestión de Concertos e Recursos Propios), edificio administrativo San Caetano, bloque 2, 2º, Santiago de Compostela, en días laborables desde as 9 ata as 14 horas.
7. Solvencia económico-financeira e técnica: acreditarase conforme o establecido no número 5.3º (puntos 11 e 12) do prego de cláusulas administrativas particulares.
8. Criterios de adxudicación: os establecidos no punto 6.3º do prego de cláusulas administrativas particulares.
9. a) Prazo e lugar de presentación das proposicións: as proposicións presentaranse antes das 14 horas do décimo quinto día natural a partir do seguinte ó da publicación desta resolución no DOG e segundo establece o punto 5 do prego de cláusulas administrativas particulares.
b) Documentación que deberán presenta-los licitadores: os documentos que figuran no prego de cláusulas administrativas particulares e na forma que nel se sinala.
10. Data de apertura das proposicións: a apertura das proposicións admitidas será realizada pola mesa de contratación, reunida en acto público na sala de xuntas da Consellería de Sanidade e Servicios Sociais, o terceiro día natural, contado a partir do seguinte a aquel no que finalice o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar o seguinte día hábil.
11. Anuncios: os anuncios deste concurso serán por conta do adxudicatario do contrato.
Santiago de Compostela, 25 de xuño de 2001.
Antonio Fernández-Campa García-Bernardo
Director xeral da División de Recursos Económicos