A orde da Consellería da Presidencia e Administración Pública do 30 de abril de 2001 (DOG do 4 de maio) aproba as bases que rexerán a convocatoria de bolsas para a realización de prácticas no Centro de Supercomputación de Galicia para titulados universitarios en informática e titulados de formación profesional de segundo grao das especialidades/familias profesionais de informática correspondentes ás accións do programa de promoción xeral da investigación do PGIDT e prevé a concesión das citadas bolsas.

Na súa virtude, de acordo co establecido nas bases da convocatoria e atendendo a proposta elaborada pola correspondente comisión de selección, esta consellería

RESOLVE:

Primeiro.-Declarar desertas as tres bolsas para titulados universitarios en informática convocadas no punto primeiro da orde, por non terse presentado ningunha solicitude da titulación requirida.

Segundo.-Concederlles bolsas para realizar prácticas no Centro de Supercomputación de Galicia ós técnicos especialistas de FP2 das especialidades de Informática que se relacionan no anexo I desta resolución.

Terceiro.-As bolsas relacionadas no anexo I desta resolución abranguen desde o 15 de xuño de 2001 ó 31 de maio de 2002 e os pagamentos faranse conforme o establecido nas bases da convocatoria.

Cuarto.-Para os efectos de posibles renuncias, de conformidade co establecido no parágrafo quinto da base oitava da orde de convocatoria e de acordo coa proposta da comisión, esta secretaría xeral procederá, se é o caso, en función dos créditos remanentes, a adxudica-la devandita axuda a outros candidatos tendo en conta a lista de suplentes que se indica no anexo II desta resolución e pola mesma orde en que se citan.

Quinto.-A inobservancia por parte dos beneficiarios de calquera das bases establecidas na orde de convocatoria suporá a perda do dereito a percibi-la subvención correspondente.

Sexto.-Contra esta resolución, poderán os interesados interpoñer recurso de reposición ante o mesmo órgano no prazo dun mes, contado a partir do día seguinte ó da publicación desta resolución no Diario Oficial de Galicia. De non estima-la interposición deste recurso, poderán interpoñer recurso contencioso-administrativo ante a Sala do Contencioso-administrativo do Tribunal Superior de Xustiza de Galicia, no prazo de dous meses contados a partir do día seguinte ó da publicación desta resolución no Diario Oficial de Galicia.

Disposición derradeira

Esta resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 25 de xuño de 2001.

P.D. (Orde 30-4-2001, DOG do 4 de maio)

Miguel A. Ríos Fernández

Secretario xeral de Investigación e Desenvolvemento

ANEXO I

Bolsas concedidas

ANEXO II

Relación de suplentes