Nesta delegación provincial séguese expediente sancionador número P-8/01, contra Isabel Rodríguez Dávila, e a empresa operadora Galijuegos, S.L. por presunta infracción da Lei 14/1985, do 23 de outubro, no que se resolveu, de conformidade co disposto no artigo 59.4º da Lei 30/1992, do 26 de decembro, de réxime xurídico das administracións públicas e do procedemento administrativo común, publica-lo acordo de apertura e prego de cargos por resultar descoñecido o domicilio de Isabel Rodríguez Dávila.
Acordo de apertura.
O director xeral de Interior e Protección Civil, por delegación do conselleiro de Xustiza, Interior
e Relacións Laborais, con data 27 de marzo de 2001 adoptou o seguinte acordo:
«Vista a acta número 01/260201, de data 26 de febreiro de 2001, levantada pola inspección de xogo no establecemento público denominado Bar Xabriña sito en r/ Paraños do concello do Covelo, remitida con proposta de apertura de expediente sancionador pola Delegación Provincial desta consellería en Pontevedra (escrito de data 1 de mazo de 2001).
Considerando que os feitos denunciados puideran ser constitutivos dalgunha das infraccións tipificadas nos artigos 28 e seguintes da Lei 14/1985, do 23 de outubro, (reguladora dos xogos e apostas en Galicia), modificada pola Lei 7/1991, do 19 de xuño, (de tributación sobre o xogo, disposición adicional terceira).
ACORDA:
Primeiro.-Incoar expediente sancionador, de acordo co establecido na Lei 34/1987, do 26 de decembro, de potestade sancionadora da Administración pública en materia de xogos de sorte, envite ou azar, contra:
-A empresa operadora Galijuegos, S.L.
-O titular ou responsable do establecemento Isabel Rodríguez Dávila.
Segundo.-Nomear instructor e secretaria del respectivamente a:
-Pilar Montero Rodríguez e,
-Clara Eugenia García Bermúdez.
Terceiro.-Confirma-lo precinto e acorda-lo comiso da máquina obxecto da acta».
O depósito e precinto da máquina levarase a cabo no establecemento en que está instalada, segundo as instruccións da Dirección Xeral de Interior de data 1 de febreiro de 2001, número 3759.
Prego de cargos.
Primeiro.-Te-la empresa operadora Galijuegos, S.L. e Isabel Rodríguez Dávila, instalada o día 26 de abril de 2001 no establecemento público denominado Bar Xabriña, sito na r/ Paraños do concello do Covelo, unha máquina recreativa tipo guindastre, modelo Crane Saurus, carecendo de toda a documentación esixida legalmente para súa instalación e explotación.
Segundo.-Tales feitos poden ser constitutivos dunha infracción moi grave ou grave tipificada no artigo 28 e seguintes da Lei 14/1985, do 23 de outubro (reguladora dos xogos e apostas en Galicia), modificada pola Lei 7/1991, do 19 de xuño, (de tributación sobre o xogo, disposición adicional terceira).
Terceiro.-Confirma-lo precinto e acorda-lo comiso da citada máquina obxecto da acta. O depósito e precinto da máquina levarase a cabo no establecemento en que está instalada, segundo as instruccións da Dirección Xeral de Interior de data 1 de febreiro de 2001, número 3759.
O que se notifica de acordo co disposto no artigo 7 da Lei 34/1987, do 26 de decembro, de potestade sancionadora da Administración pública, en materia de xogos de sorte, envite ou azar, dispoñendo o interesado dun prazo de oito días para presentar prego de descargos, no que poderá solicita-lo recibimento a proba do expediente na forma prevista no punto 2 b) do citado precepto legal.
Pontevedra, 23 de maio de 2001.
Pilar Montero Rodríguez
Instructora
