Examinado o expediente instruído para efectos de outorgamento do permiso de actividade para a explotación dunha Cetaria, apreciáronse os seguintes

a) Feitos:

Primeiro.-Mediante escrito con data do 23 de febreiro de 2001, Manuel Meis Cacabelos (DNI: 35455837A), en representación de Recursos Marinos de Vigo, S.L. (CIF: B36147973), solicitou permiso de actividade para a explotación dunha cetaria, na dársena 3 do porto de Vigo, Vigo, provincia de Pontevedra.

Segundo.-O interesado achegou a documentación requirida para a tramitación deste tipo de establecementos.

Terceiro.-No expediente consta que se realizaron os seguintes trámites:

-Anuncio de información pública.

-Informe técnico biolóxico.

-Informe urbanístico do concello de Vigo.

-Informe sobre a ocupación do dominio público portuario estatal da Autoridade Portuaria de Vigo.

-Informe xurídico emitido polo Servicio Técnico-Xurídico.

Cuarto.-Con data do 29 de maio de 2000, o Consello de Administración da Autoridade Portuaria de Vigo outorgou a Remagro, S.L. a concesión para a ocupación de 583 m de dominio público portuario estatal con destino a cetaria. Posteriormente, con data do 4 de agosto de 2000, esa autoridade portuaria autorizou o cambio de titularidade da mencionada concesión a favor de Penimar, S.L. Esta empresa cambiou a súa denominación pola de Recursos Marinos de Vigo, S.L.

b) Fundamentos de dereito.

Este órgano é competente para resolve-lo expediente de conformidade coa Lei 6/1993, do 11 de maio, de pesca de Galicia (DOG nº 101), co Decreto 193/1997, do 5 de xuño, polo que se determinan as condicións para o outorgamento do permiso de

actividade para os establecementos de cultivos mariños e auxiliares situados na zona terrestre (DOG nº 142) e coa Orde do 27 de marzo do 2000, pola que se regula o procedemento para o outorgamento do permiso de actividade para establecementos de cultivos mariños e auxiliares na zona terrestre (DOG nº 67).

Examinadas as disposicións citadas, a proposta de resolución da Dirección Xeral de Recursos Mariños, o artigo 89 da Lei 30/1992, do 26 de novembro, de réxime xurídico das administracións públicas e do procedemento administrativo común, e demais normas de xeral e pertinente aplicación, esta consellería

RESOLVE:

Outorgar a Recursos Marinos de Vigo, S.L. con CIF: B36147973, permiso de actividade para a posta en funcionamento e explotación do establecemento auxiliar de cultivos mariños, que se indica a continuación:

Tipo: cetaria.

Nome: Recursos Marinos de Vigo, S.L.

Actividade: estabulación.

Especies: boi (Cancer pagurus), camarón (Palaemon spp.), centola (Maja squinado), lagosta (Palimurus spp.), lumbrigante (Homarus ganmarus), nécora (Macropipus puber).

Localización: dársena 3 do porto de Vigo, Vigo (Pontevedra).

Superficies:

Dominio privado: 0.

Dominio público: 583 m.

Características das instalacións:

Naves: nº: 1.

Superficie: 525 mxm.

Piscinas

Nº: 2 rectangular; superficie: 7,4x2,7 m.

1 rectangular; superficie: 7,4x2,5 m.

1 rectangular; superficie: 12,7x2,7 m.

Superficie total: 92,5 m

Baixo as seguintes condicións:

Primeira.-O permiso de actividade outórgase por un prazo de dez (10) anos, que se contarán a partir do día seguinte ó da publicación da resolución no DOG. Poderá prorrogarse por períodos máximos doutros dez anos, logo de petición do interesado presentada dentro dos 60 días anteriores ó vencemento da súa vixencia.

A vixencia dos títulos habilitantes, permiso de actividade e concesión da ocupación do dominio público, así como das prórrogas que no seu día se puidesen outorgar, deberán ser coincidentes.

Segunda.-As obras e instalacións, que poderán dar comezo no momento no que o titular dispoña das autorizacións preceptivas dos distintos organismos competentes na materia, levaranse a cabo consonte o proxecto básico Nave para viveiro no porto de Vigo-Nave A2, subscrito en xullo de 2000 polos arquitectos Antonio Hernández Crespo e Ernesto Cid Sueiro, visado polo Colexio Oficial de Arquitectos de Galicia, e deberán quedar totalmente rematadas no prazo de 24 meses, a contar dende a día seguinte ó da publicación desta resolución.

Terceira.-A execución das obras e instalacións e o inicio da actividade realizaranse conforme o disposto nos artigos 5 e 6 da Orde do 27 de marzo de 2000 anteriormente citada.

Cuarta.-O establecemento, nin o dominio público ocupado, nin as obras nel executadas poderán destinarse a usos distintos dos autorizados. Baixo ningún concepto se poderá modifica-las instalacións sen permiso expreso desta consellería.

Quinta.-Sen prexuízo da caducidade da concesión de ocupación do dominio público, ó abeiro do disposto nas resolucións do 24 de maio e do 4 de agosto de 2000 do Consello de Administración da Autoridade Portuaria de Vigo, que serán vinculantes para esta consellería, o permiso de actividade ós que se refire esta resolución extinguiranse polo incumprimento dalgunha das condicións dela e nos casos previstos no artigo 72 da Lei 6/1993, de pesca de Galicia, e no Decreto 193/1997, do 5 de xuño.

Sexta.-O outorgamento deste permiso de actividade non exime o seu titular da obtención das licencias, permisos e autorizacións legalmente procedentes.

Sétima.-O titular xustificará o pagamento á Facenda Pública do imposto que grava as concesións e autorizacións (transmisións patrimoniais e actos xurídicos documentados) ou acreditará a declaración de non estar suxeito ó acto do dito imposto, feita pola Delegación de Facenda ou oficina liquidadora correspondente.

Contra esta resolución, que pon fin á vía administrativa, poderase interpoñer recurso potestativo de reposición, no prazo dun mes, ante o conselleiro de Pesca, Marisqueo e Acuicultura, ou recurso contencioso-administrativo, ante a xurisdicción contecioso-administrativa, que se interporá no prazo de dous meses, contados en ámbolos dous casos desde o día seguinte ó da súa publicación, de conformidade co disposto no artigo 116 da Lei 30/1992, do 26 de novembro, modificada pola Lei 4/1999, de réxime xurídico das administracións públicas e do procedemento administrativo común, e o artigo 46.1º da Lei 29/1998, do 13 de xullo, da xurisdicción contencioso-administrativa.

Santiago de Compostela, 24 de abril de 2001.

Amancio Landín Jaráiz

Conselleiro de Pesca, Marisqueo e Acuicultura