De conformidade co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, notifícaselle á persoa que no anexo se menciona a incoación do expediente sancionador por infracción ó Regulamento de epizootias, regulada no Decreto do 4-2-1955.

Que, así mesmo, designo instructor do expediente a Mario Orjales Pita e secretaria a María Magdalena Santiago Pereira.

O que se notifica para os efectos previstos no artigo 58 da devandita Lei de réxime xurídico das administracións públicas e do procedemento administrativo común, podendo recusalos en calquera momento do expediente por algunha das causas previstas no artigo 28 da dita lei.

Concédeselle ó interesado un prazo de quince días para que poida examina-lo expediente así como para formula-las alegacións que coide axeitadas, conforme o establecido no artigo 13.2º do Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto, xa que de non efectua-las alegacións no prazo indicado, o acordo de incoación poderá ser considerado como proposta de resolución.

Pontevedra, 24 de maio de 2001.

Jose Manuel Gabeiras Vérez

Delegado provincial de Pontevedra

ANEXO

Expediente: AG-SA-86/2001-PO.

Denunciado: Portafoxo Meáns Fraga, S.L.

Último enderezo coñecido: Sión, Carballedo, Cotobade (Pontevedra).

Feito denunciado: non respecta-lo prazo de espera preceptivo para o sacrificio de animais tratados con pensos medicamentados.

Data do acordo de incoación: 19-4-2001.

Preceptos infrinxidos: incumprimento do artigo 24.3º, número 1º, do Real decreto 1749/1998, do 13 de xullo.

Precepto sancionador: artigo 36 b) da Lei 14/1986, do 25 de abril, xeral de sanidade, e polo artigo 109 b), do medicamento.

Sancion: de 500.001 pesetas.