Juan Rey Pita, en funcións de secretario do Xulgado do Social número catro da Coruña, dou fe e certifico que neste xulgado séguense autos número 164/2001 por instancia de Manuel Estraviz Sánchez contra Núcleo Gestión, S.L. sobre despedimento nos que recaeu sentencia en data 24-5-2001 que copiada nos particulares necesarios di así:
«Decido que estimando a demanda promovida por Manuel Estraviz Sánchez contra Núcleo Gestión, S.L. debo declarar e declaro improcedente o despedimento efecutado ó demandante condenado a demandada a que no prazo de cinco días contados desde a notificación desta resolución, opte entre a inmediata readmisión do traballador nas mesmas con
dicións que rexían antes de producirse o despedimento, co aboamento da cantidade de 556.348 pesetas en concepto de indemnización, e ó aboamento dos salarios deixados de percibir desde a data do despedimento ata a notificación desta resolución, a razón de 4.600 pesetas/día.
Así por esta miña sentencia contra a que poderá recorrerse en suplicación perante a Sala do Social do Tribunal Superior de Xustiza de Galicia no prazo de cinco días a contar desde o seguinte á súa notificación, anunciando o propósito de presentalo mediante comparecencia ou por escrito, sendo indispensable que ó tempo de anuncialo o recorrente, se é empresario, exhiba diante deste xulgado do social o xustificante acreditativo de ter depositado no Banco Bilbao Vizcaya, oficina principal desta cidade, na conta corrente deste xulgado, número 5.605, clave 60 a cantidade obxecto de condena, podendo substituírse a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista; sen ese requisito non poderá terse por anunciado o recurso e quedará firme a sentencia. Debendo consignar ademais a cantidade de 25.000 pesetas na mesma conta, clave 65, entregándose o xustificante na secretaría ó tempo de interpoñe-lo recurso
declarándose ó mesmo desistido de non constituírse o dito depósito na forma indicada, definitivamente xulgando en primeira instancia, o pronuncio, mando e firmo».
E para que conste, para efectos da súa publicación no Diario Oficial de Galicia a fin de que sirva de notificación á empresa Núcleo Gestión, S.L., expido e asino a presente cédula na Coruña, 24 de maio de 2001.
O secretario xudicial
Rubricado
