Juan Rey Pita, secretario do Xulgado do Social número tres en funcións do Xulgado do Social número catro da Coruña, dou fe e certifico que neste xulgado se seguen autos número 50/2001, por instancia de Germán Pérez Barros contra a empresa Grupo MV Recambios, S.L., sobre rescisión de contrato, nos que se dictou sentencia en data que, copiada nos particulares necesarios, di así:
«Fallo que, estimando a demanda promovida por Germán Pérez Barros contra a empresa Grupo MV Recambios, S.L., debo declarar e declaro extinguida a relación laboral que unía os litigantes ata o día de hoxe e condeno a demandada a estar e pasar pola anterior declaración e ó aboamento da cantidade de 698.659 pesetas no concepto de indemnización.
Así, por esta miña sentencia, contra a que se poderá recorrer en suplicación perante a Sala do Social do Tribunal Superior de Xustiza de Galicia no prazo de cinco días contados do seguinte á súa notificación, anunciando o propósito de o promover mediante comparecencia ou por escrito, sendo indispensable que ó tempo de anuncialo, o recorrente, se é empresario, exhiba perante este Xulgado do Social o comprobante de ter depositado no Banco de Bilbao Vizcaya, oficina principal desta cidade, na conta corrente deste xulgado (número identificador 5.605, clave 60) a cantidade obxecto da condena; pódese substituír a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, requisito sen o cal non poderá terse por anunciado o recurso e quedará firme a sentencia. Débese consignar, ademais, a cantidade de 25.000 pesetas na mesma conta coa clave 65, entregándose o comprobante na secretaría ó tempo de interpoñe-lo
recurso, declarándose este desistido de non constituírse o dito depósito na forma indicada, definitivamente xulgando en primeira instancia, pronúncioo, mándoo e asínoo.
Así, por esta miña sentencia, da que se unirá certificación ós autos orixinais para a súa notificación e cumprimento, pronúncioo, mándoo e asínoo».
E para que conste, para efectos da súa publicación no Diario Oficial de Galicia, co fin de que lle sirva de notificación en forma á empresa Grupo MV Recambios, S.L., expido e asino esta cédula na Coruña o 28 de maio de 2001.
O secretario xudicial
Rubricado