O Pleno do Concello de Melide, en sesión do 18 de maio de 2001, acordou aprobar definitivamente o estudio no núcleo urbano de Melide (entre a rúa Ourense e a estrada a Piñor), confeccionado polo arquitecto José C. Arrojo Lois, sendo promotora a entidade Construcciones Martínez-Cordido, S.L.
O que se fai público para a súa efectividade, en cumprimento do previsto no artigo 48 da Lei 1/1997, do 24 de marzo, do solo de Galicia.
Contra o acto de aprobación definitiva, que pon fin á vía administrativa, poderase interpor recurso potestativo de reposición perante o Pleno do Concello no prazo dun mes, contado desde o día seguinte ó da última publicación deste anuncio no BOP ou no DOG. Alternativamente, o acto de aprobación definitiva poderase impugnar directamente en vía xurisdiccional mediante a interposición de recurso contencioso-administrativo perante o Tribunal Superior de Xustiza de Galicia, no prazo de dous meses contados desde o día seguinte ó da última publicación deste anuncio no BOP ou no DOG. No suposto de que se interpoña recurso administrativo de reposición, non poderá interpoñerse recurso contencioso-administrativo ata que non se resolva expresa ou presuntamente o recurso de reposición interposto. En tal caso, o prazo para interpoñe-lo recurso contencioso-administrativo contarase desde o día seguinte a aquel en que se notifique a resolución expresa do recurso potestativo de reposición ou no que
este deba entenderse presuntamente desestimado. No suposto de desestimación presunta do recurso de reposición, o prazo para interpoñe-lo recurso contencioso-administrativo é de seis meses.
Todo isto sen prexuízo de que se poida interpor calquera outro recurso que en dereito se considere oportuno.
Melide, 7 de xuño de 2001.
Miguel R. Pampín Rúa
Alcalde