Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.

Solicitante: Unión Fenosa Distribución, S.A.

Domicilio social: avda. de Arteixo, 171, 15000 A Coruña.

Denominación: L.M.T., C.T.C. Pedro Berruguete, 2.

Situación: Arteixo.

Descricións técnicas: liña eléctrica subterránea de media tensión, a 15 kV, baixo tubo e con conductor 2 R.H.V. 12/20 kVA de 3(1x240) mm Al, de 60 m de lonxitude, con orixe na liña que alimenta o C.T. avda. da Pastoriza (expediente 166/1996) e final na mesma liña unha vez que entre e saia do C.T. na r/ Pedro Berruguete, 2, que se vai instalar. Centro de transformación en planta baixa de edificio de vivendas, de 400 kVA e tensións de 15/0,380-0,220 kV na r/ Pedro Berruguete, 2, de Arteixo.

Cumpridos os trámites ordenados na Lei 54/1997, do 27 de novembro, e nos capítulos III e IV do

Decreto 2617/1966, do 20 de outubro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que estime pertinente ó seu dereito.

A Coruña, 10 de maio de 2001.

Jesús Espada Martínez

Delegado provincial da Coruña