O Instituto Galego de Medicina Técnica anuncia a convocatoria pública dos seguintes postos vacantes, de acordo coas seguintes bases:
Un médico especialista en cirurxía cardíaca. Ref.: MEC-07.
Título homologado de licenciado en medicina e cirurxía, coa especialidade en cirurxía cardiovascular.
Procedemento de selección: baremo do currículum (65%) e entrevista persoal (35%).
Presentación de solicitudes:
Os interesados que cumpran os requisitos esixidos deberán remiti-lo seu currículum, sinalando a referencia que se indica, no prazo improrrogable de quince días naturais contados desde o día seguinte ó da súa publicación no Diario Oficial de Galicia, a: Instituto Galego de Medicina Técnica, praza Europa, 5 A, 6ºB (15703 Santiago de Compostela).
Deberá presentarse copia compulsada dos certificados de servicios prestados, dos diplomas acreditativos de cursos e do título mínimo esixido.
Inicio das probas:
As probas non se realizarán antes dun mes desde que se publique esta convocatoria, de acordo co disposto no artigo 4 da Lei 10/1996.
Julio Villar
Director xerente do Instituto Galego de Medicina Técnica, S.A.