Vista a acta de revisión salarial do convenio colectivo do sector de almacenistas de madeira, con nº de código 3600085, que tivo entrada nesta delegación provincial o día 26-4-2001, subscrita pola comisión paritaria do convenio con data do 10-4-2001. De conformidade co disposto no artigo 9 do convenio colectivo e no artigo 90.2º e 3º, do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,
ACORDA:
Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e a notificación ás representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación.
Terceiro.-Dispoñe-la súa publicación no Diario Oficial de Galicia.
Vigo, 2 de maio de 2001.
Antonio Coello Bufill
Delegado provincial de Pontevedra
Convenio colectivo do sector de almacenistas da madeira da provincia de Pontevedra
Asistentes.
CC.OO.:
Marcos González Oliveira.
CIG:
Xosé Xoán Melón González.
UGT:
Ramón Carrera Molares.
José Carlos Rodríguez del Río.
Representación empresarial:
Antonio Pedreira Cadaval.
Antonio González González.
Enrique Comesaña Mencía.
Secretario de actas:
José Manuel Oubel Villanueva.
En Vigo, nos locais da Confederación de Empresarios de Pontevedra, ás dezasete horas do día dez de abril de dous mil un, reúnese a comisión paritaria do convenio colectivo de traballo do sector de almacenistas de madeira da provincia de Pontevedra co obxecto de aplica-la cláusula de revisión salarial establecida no convenio.
O artículo 9º.-Retribucións salariais, establece que no caso de que o incremento anual do IPC o 31 de decembro de 2000 fose superior ó 2,5%, efectuarase unha revisión salarial no exceso sobre a dita porcentaxe. A revisión levarase a cabo unha vez que o INE constate oficialmente o IPC real de 2000 e aboarase con efectos do primeiro de xaneiro do dito ano. Os atrasos devengados serán aboados dunha soa vez. O IPC o 31 de decembro de 2000 rexistrou un incremento do 4%, polo que deberá efectuarse unha revisión salarial do 1,5% de acordo coa táboa salarial anexa:
Táboa de salarios ano 2000.
Categorías Salario/mes
-Persoal administrativo
Xefe administrativo 154.934
Oficial de 1ª 136.115
Oficial de 2ª 127.479
Auxiliar, telefonista e mecanógrafo/a 112.988
-Viaxante
Viaxantes corredores de praza 127.479
-Persoal en xeral
Encargado 132.575
Serrador de 1ª 127.479
Serrador de 2ª 117.921
Serrador de serra circular 117.295
Dependentes 115.334
Peón especialista 115.334
Carreteiro mozo 114.152
Peón 111.344
Acórdase a súa remisión á autoridade laboral co obxecto do seu rexistro e posterior publicación no Diario Oficial de Galicia e BOP. Autorízase a José Manuel Oubel Villanueva para levar a cabo as xestións necesarias. Non tendo máis asuntos que tratar, levántase a sesión, ás dezaoito horas do arriba indicado.