A conservación e defensa da natureza debe compatibilizarse co necesario desenvolvemento socioeconómico das poboacións que habitan no contorno dos espacios protexidos. Para conseguir harmoniza-los valores de conservación co desenvolvemento sutentable, a Lei 4/1989, do 27 de marzo, de conservación dos espacios naturais, da flora e fauna silvestres, regula no seu título II os plans de ordenación dos recursos naturais.

O artigo 6 da devandita lei establece que estos plans deben necesariamente ser sometidos a información pública e audiencia ós interesados.

Por todo o exposto,

RESOLVO:

Primeiro.-Someter a información pública e audiencia ós interesados o Plan de Ordenación dos Recursos Naturais do Parque Natural Monte Aloia (Pontevedra).

Segundo.-Para os devanditos efectos informativos poranse á disposición dos administrados exemplares nas seguintes dependencias:

Subdirección Xeral de Medio Ambiente Natural, Caza e Pesca Fluvial da Consellería de Medio Ambiente (San Lázaro 83, Santiago de Compostela)

Delegación Provincial da Consellería de Medio Ambiente de Pontevedra (rúa Benito Corbal, 47)

Terceiro.-As alegacións formularanse durante o prazo de trinta (30) días, que comezarán a contar a partir do seguinte día ó da publicación desta resolución no Diario Oficial de Galicia.

Santiago de Compostela, 25 de maio de 2001.

Tomás Fernández-Couto Juanas

Director xeral de Montes e Medio Ambiente Natural