Padecido erro na resolución da Universidade de Vigo do 16 de marzo de 2001 (DOG nº 66, do 3

de abril, e corrección publicada no DOG nº 73, do 16 de abril), pola que se convocaron probas selectivas para a provisión de once prazas de técnicos especialistas de bibliotecas, vacantes no cadro de persoal laboral desta universidade, este rectorado

RESOLVEU:

Primeiro.-Engadi-lo seguinte parágrafo á base 1.1.: reservarase o 4% das prazas para seren cubertas con persoas con minusvalidez cun grao de discapacidade igual ou superior ó 33% (de acordo coa Lei 23/1988, do 28 de xullo).

Segundo.-Corrixi-la base 2.2, que quedaría redactada como segue:

«2.2. Os aspirantes que concorran ás probas selectivas pola quenda de promoción interna deberán reunir, ademais, os seguintes requisitos:

a) Pertencer ó cadro de persoal laboral fixo das universidades de Santiago de Compostela e Vigo.

b) Pertencer a categoría profesional distinta á das prazas convocadas nesta convocatoria.

Terceiro.-Abrir un novo prazo de presentación de solicitudes de 20 días naturais contados a partir do día seguinte ó da publicación desta resolución no Diario Oficial de Galicia.

Os aspirantes que presentasen anteriormente a súa solicitude non terán a obriga de facelo novamente, rexéndose a súa situación conforme a relación provisional de admitidos e excluídos, publicada o 9 de maio de 2001.

Cuarto.-Os aspirantes que xa presentasen solicitude de participación poderán completar, no seu interese, a documentación xustificativa tanto dos requisitos esixidos na convocatoria como das certificacións presentadas e referidas á data de remate do novo prazo que se outorga no punto terceiro desta resolución.

As certificacións dos servicios prestados na Universidade de Vigo serán expedidas de oficio a tódolos aspirantes definitivamente admitidos, polo Servicio de Xestión de Persoal, e remitidas ós interesados e ó presidente do tribunal, simultaneamente.

Quinto.-Os dereitos de exame serán reintegrados de oficio ós aspirantes definitivamente excluídos da realización das probas selectivas que cubrisen os datos bancarios para face-la devolución. Igualmente, devolveranse ós aspirantes que, resultando provisionalmente admitidos, o insten dentro do novo prazo de presentación de solicitudes.

Vigo, 29 de maio de 2001.

Domingo Docampo Amoedo

Rector da Universidade de Vigo