De conformidade co disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos no mencionado real decreto, faise público que na Sección de Mediación, Arbitraxe e Conciliación desta delegación provincial foron depositados a acta de constitución e os estatutos da Organización de Autónomos y Profesionales de la Comarca de O Salnés (OAP), que abranguen os seguintes ámbitos:
Territorial: comarcal.
Profesional: organizacións ou asociacións de autónomos-empresa, integrados en tódolos gremios, oficios, etc., e tódolos que realicen un traballo por conta propia ou exerzan a súa actividade profesional na comarca do Salnés.
Asinan a acta de constitución José Conde García e outros.
Os estatutos depositados poderán ser examinados por calquera persoa interesada.
Vigo, 10 de maio de 2001.
Antonio Coello Bufill
Delegado provincial de Pontevedra