Juan Rey Pita, secretario do Xulgado do Social número catro da Coruña, dou fe e certifico que neste xulgado séguense autos 845/2000 por isntancia de María Dolores Rivas Veiga contra a empresa Trans. Consign. e Viaxes, S.L. sobre salarios, nos que recaeu sentencia en data 26-4-2001 que copiada nos particulares necesarios, di así:

Decido que estimando a demanda promovida por María Dolores Rivas Veiga contra a empresa Trans. Consig. e Viaxes, S.L. debo condenar e condeno a demandada a que aboe á demandante a cantidade de 1.858.011 pesetas por tódolos conceptos reclamados na demanda.

Notifíquese a presente resolución ás partes facéndolles saber que contra ela cabe interpoñer recurso de suplicación perante o Tribunal Superior de Xustiza de Galicia, Sala do Social, debendo anuncialo previamente ante este Xulgado do Social, no prazo de cinco días hábiles a partir do día seguinte da súa notificación.

Prevense a empresa demandada de que para recorrer deberá acreditar ter ingresado na c/c de consignacións código 5605.0000.60 do Banco Bilbao Vizcaya desta cidade denominada Conta do Xulgado do Social número catro o importe da condena e 25.000 pesetas en concepto de depósito, sen os cales requisitos non será admitido a trámite o recurso quedando firme a sentencia.

Así, por esta miña sentencia, da que se unirá certificación ós autos orixinais para a súa notificación e cumprimento, xulgando pronuncio, mando e asino.

E para que conste, para efectos da súa publicación no Diario Oficial de Galicia a fin de que sirva de notificación en forma á empresa Trans. Consig. e Viaxes, S.L. expido e asino a presente cédula na Coruña o 26 de abril de 2001.

O secretario xudicial

Rubricado